Pakaštavaŭ rakforci — pieršy biełaruski syr ź ćvillu.
Ahulny vynik: rekamienduju, zapaminajecca.
Z čym treba prymirycca: pieršaja partyja vyjšła pierasolenaja. Technołahi pryznajuć chibu i majuć trochi źmianić recept. Heta aznačaje, što źmienicca i smak i syr stanie inšym, z novymi niuansami i paślasmakami.
Z čym nie mahu pahadzicca: najpierš, z nazvaj. Syry ź ćvillu vyrablajuć u roznych krainach. U kožnym miescy jon udajecca
Urešcie, niełahična nazyvać hety syr Rakforci choć by tamu, što aryhinał Rakfor — aviečy, tady jak biełaruski — z karovinaha małaka, jak i Danablu. Darečy,
dla vyrabu biełarusy vykarystoŭvajuć mienavita pienicylinavyja hrybki vytvorčaści Danii, tamu ad Danablu naš syr mienavita i pachodzić.
Što za ćvil u im? Stalinskaja «Encykłapiedyja ab smačnaj i zdarovaj ježy» pisała pra syry typu rakfor ci kamamber tak: pieršy raz vam nie budzie smakavać, ale kali jašče i jašče raz pakaštavać, vy adčujecie vializnuju asałodu.
Kali navucy antybijotyki byli jašče nie znajomy, to pastuchi hoili rany, prykładajučy da ich kavałki Rakforu. Reč u tym, što ćvil u hetym syry daje hrybok Penicillium roqueforti, toj samy, ź jakoha z časam pačali vyrablać hajučy pienicylin. Uvohule, taki syr stali vyrablać naturalna. Jon vychodziŭ taki ŭ piačorach
Pieršy raz anałahičny syr zhadvajecca jašče ŭ Plinija. A takija syry inšych krain pačali vyrablacca tady, kali miascovyja žychary nie chacieli pierapłačvać za darahi impartny, francuzski, abo kali vojny i błakady adrazali šlachi pastavak.
Što za sinija pałoski ź ćvillu? Heta jaho pa miery daśpiavańnia pratykajuć miednymi dratami, kab ćvil pašyrałasia pa ŭsioj miakaci. Darečy, dobry rakfor najlepš rezać nie nažom, a śpiecyjalnym stankom z drotam, jaki nie razburaje kubielcy vysakarodnaj ćvili.
Čaho jon u folzie? Kab nie pierasychaŭ.
U Francyi Rakfor — druhi pa papularnaści syr paśla Kante (Kante — heta daskanały varyjant taho, što ŭ Biełarusi isnuje pad brendam Stary Amsterdam, jaki vyrablajuć Biełaviežskija syry ŭ Pružanach).
Z čym jeści biełaruski rakforci? Kab razabracca, patrebny ekśpierymienty i sproby. Vytvorca nijakich parad nie daje, što lišni raz pakazvaje na jaho niedaśviedčanaść.
Moj ścipły žurnaliscki zarobak nie dazvoliŭ kupić vialiki kavał hetaha syru (na Kamaroŭcy i ŭ hipiermarkietach jon kaštuje kala 120 tysiač za kiłahram, i pa takoj canie ŭsio budzie zastavacca dla biełarusaŭ łasunkam, a nie praduktam masavaha ŭžytku).
Tamu raskažu toje, što paśpieŭ adčuć.
Jak i ŭsie syry hetaha typu, naš naračanski rakforci maje rezki i sałanavaty smak i vielmi dalikatny, z notkami arechu i hryboŭ, miakki, to sałanavaty, to saładkavaty paślasmak.Bieź ničoha vy jaho šmat nie zajaścio — jon usio ž zanadta jomki, praniźlivy.
Samaje kłasičnaje spałučeńnie dla syru — z presnavatym pšaničnym chlebam, typu našaha Paleskaha, abo z francuzskim bahietam (ale nie z batonam, nie z tłustym ci sałodkim chlebam).Možna brać na chleb trochi masła — dla źmiakčeńnia smaku.
Ź vinaŭ da syroŭ typu rakfor pasuje dosyć vyraznaje, jomistaje, cierpkavataje čyrvonaje suchoje vino, kali syr siaredniaj mocy, niarezki, i sałodkaje muskatnaje vino ci partviejn, kali jon rezki.
Danablu vydatna pasuje da sadaviny. Jaho jaduć taksama ŭ buterbrodach i sałatach.
Pad niamieckim Dorblu smačna zapiakać łasoś. Rakforny soŭs taksama dobra pasuje da antrekota.
Jašče pasprabujcie kaliści pacierci jaho na makaronu. Abo ŭ ryzota. Narešcie, jon idealna pasuje da picy.
Anhličanie i francuzy vypiakajuć ceły stoł desiertaŭ z dadatkam rakforu.
Kab Rakforci najlepš vyjaviŭ svoj smak, pierad spažyvańniem jon pavinien palažać z hadzinu nie ŭ ladoŭni.
Nie škadujcie patracicca na pradukty kštałtu Rakforci — heta adzin z šedeŭraŭ, abo, kažučy starabiełaruskaj movaj, «kštałtaŭ» ludskoha kulinarnaha hienija. Choć naš Rakforci hrubiejšy za svaje dackija i francuzskija anałahi — budziem spadziavacca, heta časova.
Darečy, voś jašče ideja: kali pačniecca siezon kłubnic, pakaštujcie jaho ź jahadami. Heta moža akazacca smačna. I jašče adno: rakfor nie jaduć proci nočy. Navukoŭcy vyjavili, što heta moža vyklikać jarkija abo kiepskija sny.
