Z 8 pa 15 maja spažyvieckija ceny ŭ Biełarusi vyraśli na 0,3%. Pa acency Nacyjanalnaha statystyčnaha kamiteta Biełarusi, z pačatku miesiaca inflacyja skłała 0,9%.
Bolš prykmietna z pačatku maja padaraželi kapusta śviežaja (59,3%), chleb i chlebabułačnyja vyraby (6,1%), masła žyviolnaje (5,4%), jałavičyna bieskaściovaja (4,9%), sanatorna-azdaraŭlenčyja pasłuhi (4,3%), harełka (3,5%), małako i małočnyja pradukty (3%), napoi biezałkaholnyja (2,1%), jałavičyna i śvinina (akramia bieskaściovaha miasa), piva, kaŭbasa varanaja pieršaha hatunku i paŭvendžanaja, piečyva (1,1–1,9%), pasłuhi kultury i bytavyja pasłuhi (1,2%), tkaniny (0,9%), adzieńnie (0,8%), abutak (0,6%), pančošna-škarpetačnyja vyraby, posud (0,4%).
Z 8 pa 15 maja patańnieli krupy prasianyja (1,1%), krupy hreckija (0,9), alej, akramia aliŭkavaha (na 0,5%), bulba (0,4%), jajki kurynyja (0,3%), ryba marožanaja (traskovyja, skumbryjevyja) (0,2%).
Za studzień-krasavik ceny vyraśli na 6,8%, z ulikam pieršaj pałovy maja — na 7,8%. Urad raźličvaje ŭtrymać hadavuju inflacyju na ŭzroŭni 19–22%.
Anastasija Janušeŭskaja, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
