Samahubstva: 27-hadovy minčanin sieŭ na rejki pierad ciahnikom +telefony słužby ekstranaj psichałahičnaj dapamohi. 5

27-hadovy minčanin byŭ śmiarotna traŭmavany ciahnikom Minsk — Homiel u Asipovickim rajonie Mahiloŭskaj vobłaści.

Jak paviedamili va ŭpraŭleńni ŭnutranych spraŭ na transparcie MUS Biełarusi, trahiedyja zdaryłasia dniom 11 maja na 367-m kiłamietry prypynačnaha punkta Jasień pierahona Tatarka — Miradzina.

Małady čałaviek razam z maci pryjechaŭ u hety dzień na lecišča ŭ viosku Jasień, u jakoj znachodzicca adnajmienny prypynačny punkt. A

dpracavaŭšy na prysiadzibnym učastku, chłopiec pajšoŭ z doma da čyhunačnaha prypynku. Pierad prybyćciom pasažyrskaha ciahnika jon sieŭ na rejki.

Mašynist zaŭvažyŭ čałavieka, prymianiaŭ ekstrannaje tarmažeńnie i padavaŭ hukavyja sihnały, adnak paźbiehnuć najezdu nie atrymałasia.

Pavodle słoŭ maci, za niekalki dzion da trahiedyi syn vykazvaŭ namier učynić samahubstva.

Pry ahladzie ŭ zahinułaha była znojdziena zapiska ź vieršami abstraktnaha źmiestu suicydalnaha charaktaru.

Padobnyja vypadki traŭmavańnia adbylisia 9 maja ŭ Hrodzienskim i Minskim rajonach.

U 22.00 na 360-m kiłamietry pierahona Navajelnia — Vyhada dyziel-ciahnikom Baranavičy — Lida byŭ śmiarotna traŭmavany 27-hadovy mašynist kacielnaj ustanoŭki Baranavickaha hruzavoha centra transpartnaj łahistyki, jaki žyŭ u haradskim pasiołku Navajelnia Dziatłaŭskaha rajona. Zatrymka ŭ ruchu ciahnika skłała 8 chvilin.

U Minski AUST pastupiła paviedamleńnie, što ŭ 01.05 na 759-m kiłamietry stancyi Pamyślišča elektraciahnikom Minsk — Brest śmiarotna traŭmavana piensijanierka 1939 hoda naradžeńnia. U momant trahiedyi zahinułyja siadzieli na rejkach i nie reahavali na hukavyja i śvietłavyja sihnały.

***

Telefony słužby ekstranaj psichałahičnaj dapamohi

Kruhłasutkavaja słužba ekstranaj psichałahičnaj dapamohi «Telefon davieru»: 8 (017) 202-04-01

Respublikanskaja telefonnaja «haračaja linija» pa akazańni psichałahičnaj dapamohi niepaŭnahadovym, što trapili ŭ kryzisnuju situacyju: 8-801-100-16-11

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH