Ceny na zaharadnyja damy źnizilisia

Čym bližejšy dom da MKAD, tym jon daražejšy. Heta aksijoma staličnaha rynku zaharadnaj nieruchomaści. I roźnica ŭ košcie kvadratnaha mietra, jak pakazvaje praktyka, tut moža być ledź nie ŭ dva razy.

Tak, pavodle dadzienych analitykaŭ hrupy kampanij «Tvaja stalica», u pieršym kvartale 2012 hoda siaredniaja cana prapanovy pryvatnych domaŭładańniaŭ varjavałasia ad 465 dalaraŭ za kv.m (dla damoŭ na adlehłaści ad 31 da 50,9 km ad MKAD) da 867 dalaraŭ za kv.m (dla damoŭ u zonie ad 0 da 15,9 km ad stalicy). Katedžy, što traplali ŭ «tryccacikiłamietrovuju» zonu ad Minska (16–30,9 kiłamietraŭ ad MKAD), ich uładalniki ŭ siarednim hatovyja byli pradavać pa 613 dalaraŭ za kv.m.

Pry hetym asnoŭnaja masa damoŭ, jakija pastupili na rynak u studzieni-sakaviku hetaha hoda, 58%, znachodziłasia mienavita ŭ samaj darahoj z zonaŭ.

Jašče 29% zajmali na rynku ŭ hetym hodzie pryvatnyja domaŭładańni z «siaredzinki». Astatniaje prypała na zaharadnaje žyllo, addalenaje ad MKAD bolš čym na 30 kiłamietraŭ.

Viadoma, nie tolki addalenaść ad Minska adbivajecca na pryvabnaści i, adpaviedna, canie zaharadnaha žylla. U zaležnaści ad napramku košt kvadratnaha mietra ŭ katedžy taksama istotna adroźnivajecca. I tut z pačatku hoda taksama adbyłosia nievialikaje karektavańnie siaredniaj cany ŭ dalarach u dačynieńni da pikavaha značeńnia ŭ lutym.

Naprykład, samy darahi kirunak ad Minska — łahojski.

U krasavika 2012 hoda siaredni košt kvadratnaha mietra ŭ pryvatnym domie ŭstalavaŭsia na ŭzroŭni 923 dalaraŭ za kvadratny mietr, patańnieŭšy adnosna lutaha na 159 dalaraŭ. Krychu tańniej hetaj viasnoj možna było kupić domik u rakaŭskim kirunku — u siarednim za 811 dalaraŭ za kv.m (827 dalaraŭ — u lutym 2012) i ŭ maładziečanskim — 759 dalaraŭ za kv.m (768 dalaraŭ — u lutym) .

A voś miadzielski kirunak, naadvarot, padaražeŭ u paraŭnańni ź lutym na 72 dalary.

U krasaviku siaredni košt tut skłaŭsia na ŭzroŭni 657 dalaraŭ za kv.m. Krychu mienš padnialisia ceny da kanca pieršaha kvartała 2012 hoda na katedžy ŭ słuckim napramku — da 625 dalaraŭ za kv.m (+38 dalaraŭ da lutaha 2012). Trochi padaražeŭ i tradycyjna samy tanny z kirunkaŭ — puchavicki: da 462 dalaraŭ za kvadratny mietr u krasaviku z 448 dalaraŭ u lutym.

Na ŭzroŭni ŭ 699 dalaraŭ skłalisia siarednija ceny na maskoŭski napramak (722 dalary — u lutym). Bolš za ŭsio patańnieła pa vynikach kvartała zaharadnaja nieruchomaść u bresckim kirunku: na 256 dalaraŭ z kvadratnaha mietra. Tak, u krasaviku tut siaredni košt ŭstalavaŭsia na ŭzroŭni 563 dalaraŭ za kv.m, u toj čas jak u lutym jon byŭ 819 dalaraŭ.

Adny z samych tannych katedžaŭ, pavodle dadzienych Analityčnaha centra ahienctva nieruchomaści «Tvaja stalica», pradavalisia ŭ Mahiloŭskim kirunku — pa siaredniaj canie 487 dalaraŭ za kv.m.

Što da pryvatnaj zabudovy Minska, to ŭ krasaviku siarednija košty ŭ hetym siehmiencie ŭstalavalisia na ŭzroŭni 1422 dalaraŭ za kv.m, patańnieŭšy ŭ dačynieńni da sakavika na 85 dalaraŭ, abo prykładna na 6%.

realty.ej.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH