Z 19 lipienia 2012 hoda dziaržpošlina za atrymańnie (abmien) vadzicielskaha paśviedčańnia ŭ Biełarusi składzie 200 tys. rubloŭ, paviedamili va ŭpraŭleńni infarmacyi i hramadskich suviaziej Ministerstva ŭnutranych spraŭ.
U Biełarusi košt pasłuh, što akazvajucca dziaržaŭnymi orhanami, u tym liku i padraździaleńniami DAI (vydača paśviedčańniaŭ kiroŭcy, numarnych znakaŭ i inš), u asnoŭnym zaležyć ad bazavaj vieličyni. Pamiery dziaržpošlin rehulujucca dvuma dakumientami: Padatkovym kodeksam Respubliki Biełaruś i ukazam №200 "Ab administracyjnych pracedurach, što ažyćciaŭlajucca dziaržaŭnymi orhanami i inšymi arhanizacyjami pa zajavach hramadzian.
Novym Padatkovym kodeksam, što ŭstupiŭ u dziejańnie sa studzienia, byŭ praduhledžany pamier dziaržpošliny za atrymańnie (zamienu) vadzicielskaha paśviedčańnia ŭ pamiery 4 bazavych vieličyń 4. Pakolki ciapier adna bazavaja roŭnaja -- 100 tys., to u takim vypadku vadzicielskaje paśviedčvańnie kaštavała b 400 tys.
Z ulikam hetaha MUS prapanavała Savietu Ministraŭ źnizić pamier dziaržpošliny na atrymańnie (zamienu) vadzicielskaha paśviedčańnia, što i było realizavana.
