Lidar biełaruskaj chryścijanskaj demakratyi Pavieł Sieviaryniec asudžany na 3 hady «chimii» za ŭdzieł u akcyi pratestu suprać falsifikacyi prezidenckich vybaraŭ. Adbyvaje pakarańnie ŭ vioscy Kuplin Pružanskaha rajona Bresckaj vobłaści. Pracuje ŭ fiermierskaj haspadarcy kala śpieckamiendatury.
Asudžanamu palityku admoŭlena ŭ źmienie režymu. Sieviaryniec adbyŭ tracinu terminu i nie maje spahnańniaŭ ad kiraŭnictva śpieckamiendatury. Nahadajem, 27 kastryčnika atestacyjnaja kamisija śpieckamiendatury razhledzieła stanoŭčyja charaktarystyki ź miesca pracy Paŭła Sieviarynca i vyrašyła, što toj «staŭ na šlach vypraŭleńnia». U takich vypadkach, zhodna z zakonam, asudžanaha mohuć pieravieści na «chatniuju chimiju». Adnak Paŭłu Sieviaryncu ŭ hetym admovili.
Chryścijanskija demakraty ličać, što tolki apora na tradycyjnyja jeŭrapiejskija kaštoŭnaści, jakija macujucca pieradusim na chryścijanstvie, dapamohuć našamu hramadstvu pieraadoleć tyja prablemy, jakija siońnia trymajuć našuju krainu
Sieviaryniec peŭny, što sprava ŭ viery. Jon ličyć, što kali biełarusy pavierać, to jany buduć stajać na kaleniach pierad Hospadam, ale nie pierad tyranam. Taksama jon ličyć, što na strachu, chłuśni i nianaviści dziaržavu pabudavać niemahčyma.