Rasijskija žurnalisty prosiać dasłać materyjały dla filma ab stalinskich represijach 1

Dla zdymkaŭ dakumientalnaha filma «Sierp i mołach» pra «raskułačvańnie» ŭ stalinskim SSSR šukajuć fotamateryjały pra achviaraŭ kalektyvizacyi. Aŭtar filma - Alaksiej Pivavaraŭ, viadomy rasijski žurnalist i teledakumientalist, jaki pracuje na telekanale NTV.

«Nam vielmi patrebnaja dapamoha tych, čyje svajaki byli raskułačanyja,

i chto jašče pra heta pamiataje i zachavaŭ siamiejnyja fotazdymki», cytuje Pivavarava viadomy rasijski błohier Rustem Adahamaŭ. «Hetyja zdymki my chočam vykarystoŭvać u filmie. Dasyłajcie ich z karotkim apisańniem: chto na ich, što zdaryłasia z hetymi ludźmi, dzie jany byli raskułačanyja i jak skłaŭsia ichny los»

Dasyłać fotazdymki možna pa pošcie pa adrasie 127427 uł. Akadiemika Koroleva, 12 NTV dla projekta «Sierp i Mołoch».

Adskanavanyja fotazdymki možna dasyłać na elektronnuju poštu [email protected]

Alaksiej Pivavaraŭ — aŭtar niekalkich viadomych dakumientalnych filmaŭ pra historyju XX stahodździa.

Siarod jahonych pracaŭ — «Brest. Krepasnyja hieroi» («Briest. Kriepostnyje hieroi»), «Ržeŭ. Nieviadomaja bitva Hieorhija Žukava» («Ržiev. Nieiźviestnaja bitva Hieorhija Žukova»), «Druhaja ŭdarnaja. Zdradžanaja armija Ułasava» («Vtoraja udarnaja. Priedannaja armija Vłasova»). Filmy časta krytykavalisia rasijskimi nacyjanalistami i stalinistami.

Za 20-ja i 30-ja hady ŭ Biełarusi byli «raskułačanyja» (h. zn. hvałtoŭna pazbaŭlenyja majomaści pa danosie ci z-za nibyta zanadtaha bahaćcia i departavanyja) da 250 tysiač čałaviek. Tysiačy ludziej byli vysłanyja ŭ addalenyja rajony SSSR — u Kazachstan, Sibir, skrajni Poŭdzień. Prykładna treciaja častka ź ich zahinuła. Biełaruski pohlad na padziei minułaha stahodździa redka byvaje pradstaŭleny ŭ dakumientalnych filmach, što zdymajucca ŭ susiednich krainach.

U filmie «Sierp i mołach» źniaŭsia biełaruski aktor Aleh Vołčak.

AČ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH