U čaćvier 19 krasavika ŭ Viciebsku milicyja spyniła fłeš-mob «Free Hugs» — volnyja ci biaspłatnyja abdymki. Pra heta «NN» paviedamiŭ čytač. Pa jaho słovach, akcyja adbyvałasia kala Ratušy, praciahvałasia kala 40 chvilin, kali źjavilisia supracoŭniki milicyi i spynili jaje.
«Heta było kamična i sumburna. Ciapier nie tolki apładziravać nielha, ale i abdymacca».
«Free Hugs» papularnyja va ŭsim śviecie. Heta ruch ludziej, jakija na vulicach prapanujuć abdymki vypadkovym minakam. Zasnavany aŭstralijcam Chuanam Manam u 2004 hodzie. Papularnaść jahonaja vyjšła za miežy Aŭstralii praz dva hady, kali vyjšaŭ klip miascovaha hurtu «Sick Puppies».
Jość svaje prychilniki volnych abdymkaŭ i ŭ Biełarusi. U tym ža Viciebsku «Free Hugs» ładziacca nie pieršy hod.
Biełaruskaja milicyja rehularna razhaniaje padobnyja fłeš-moby. U studzieni 2010 hoda ŭ Breście milicyja nie dała praviaści akcyju i skłała na šerah jaje ŭdzielnikaŭ pratakoły. U žniŭni 2011-ha adznačyłasia barysaŭskaja milicyja.
«Sick Puppies» — Free Hugs Campaign