Na puciavoha abchodčyka Suščeniu ŭzvodziać paklop, vinavaciačy ŭ supracoŭnictvie z akupantami.
Partyzany prychodziać da Suščeni, kab zabić jaho za «zdradu».
Pierad Suščeniem staić składany maralny vybar.
Zdymačny momant. Źleva ź vintoŭkaj — Siarhiej Łaźnica.
Film režysiora Siarhieja Łaźnicy «U tumanie» adabrany dla ŭdziełu ŭ asnoŭnym konkursie Kanskaha fiestyvalu, paviedamlaje «RIA Naviny» sa spasyłkaj na krynicu ŭ Arhkamitecie fiestyvalu.
Siarhiej Łaźnica nazyvaje film, u asnovie jakoha adnajmiennaja apovieść Vasila Bykava, dramaj «pra čałavieka, jaki sprabuje zrabić maralny vybar u amaralnych abstavinach».Dziejańnie adbyvajecca na terytoryi akupavanaj niemcami Biełarusi ŭ 1942 hodzie.
Na puciavoha abchodčyka Suščeniu ŭzvodziać paklop, vinavaciačy ŭ supracoŭnictvie z akupantami. Dva partyzany pryjazdžajuć da Suščeni na chutar, kab zabić zdradnika.Suščenia spadziajecca dakazać svaju nievinavataść…
Scenar «U tumanie» byŭ napisany jašče ŭ 2001 hodzie, z hetaha filma ja chacieŭ pačynać pracu ŭ ihravym kino.
Mianie cikavić hety čas, hetaje miesca hetyja ludzi. Takich, jak hieroj apovieści Bykava — na moj pohlad niezasłužana zabytaj i niedačytanaj, — amal nie zachavałasia, —kazaŭ RIA «Naviny» Siarhiej Łaźnica. Doŭhi čas na film nie znachodziłasia hrošaj. Ich navat źbirali praz sajt «U tumanie».
Taksama ŭ filmie źnialisia Siarhiej Kalosaŭ i Uład Abašyn (Rasija), u epizodach źnialisia rumynski akcior Uład Ivanoŭ i rasijcy Barys Kamarzin, Michaił Jeŭłanaŭ, Dźmitry Bykoŭski, Julija Pieresild, Nadzieja Markina.Suščeniu syhraŭ biełaruski aktor Uładzimir Śvirski.
U zdymačnaj hrupie pracavali biełarusy, łatyšy, litoŭcy, niemcy, rasijcy, palaki, rumyny, čechi — usiaho
na zdymačnaj placoŭcy hučała dzieviać movaŭ.«My ŭsio słužyli supolnaj spravie, i ja ŭpeŭnieny, što harmonija, jakaja panavała na zdymačnaj placoŭcy, uvasobicca na ekranie», — adznačaŭ Siarhiej Łaźnica.
Karcina była źniata za 28 dzion u Łatvii.Skončyli zdymki ŭ studzieni 2012. Heta mižnarodny kinaprajekt, u jaho vytvorčaści ŭdzielničajuć «Biełaruśfilm», MA.JA.DE Fiction (Hiermanija), kinakampanija «Džy Pi» (Rasija), Rija Films (Łatvija), Lemming Film (Niderłandy), Fond padtrymki jeŭrapiejskaha kino EURIMAGES… Pravy na suśvietnyja prodažy karciny naležać kampanii Match Factory.
Biudžet filma Łaźnicy skłaŭ prykładna 2 młn jeŭra — nie tak i šmat.
Heta druhaja hulniavaja stužka dakumientalista Łaźnicy. Pieršym jaho režysiorskim hulniavym dośviedam byŭ film pra žyćcio rasijskaj hłybinki «Ščaście majo», jaki dva hady taksama byŭ pradstaŭleny ŭ asnoŭnym konkursie Kanskaha fiestyvalu.
Siarhiej Łaźnica naradziŭsia ŭ Baranavičach, vučyŭsia ŭ Kijevie pracavaŭ u Maskvie, dziesiać hadoŭ tamu emihravaŭ u Niamieččynu. Ciapier žyvie ŭ Bierlinie.
