Pop-dziva Ryjana suprać inšapłanietnikaŭ

Umielstvu halivudskich majstroŭ znachodzić amal ź ničoha siužety dla budučych błakbastaraŭ možna pazajzdrościć. Jaskravym prykładam tut słužyć film «Piraty Karybskaha mora»: natchniŭšysia dysnejeŭskim atrakcyjonam, scenarysty prydumali historyju, jakaja stała adnym z chitoŭ dziesiacihodździa.

U asnovie fantastyčnaha bajevika «Marski boj» — sapraŭdy hulnia, dzie treba ŭślapuju atakavać karabli praciŭnika. Vajavać pamiž saboj buduć ziamnoj fłot i inšapłanietniki.

Jakim čynam praviły nastolnaha spabornictva buduć abyhryvacca ŭ filmie, i jość hałoŭnaja intryha ad režysiora Pitera Bierha, jaki padaryŭ hledačam «Chenkoka» z Uiłam Śmitam.

Adnym z pradziusaraŭ stužki vystupiła kampanija Hasbro, jakaja dapamahła Majkłu Beju vypuścić «Transformieraŭ», nabyli papularnaść. Padobna,

uvasablać na ekranie dziciačyja zabavy — sprava vielmi prybytkovaja.

U filmaŭ «Transformiery» i «Marski boj» možna znajści šmat ahulnych rysaŭ. I tam, i tam ziamlanie vajujuć ź inšapłanietnymi robatami, u abodvuch vypadkach —

maštabnyja zdymki ź vialikaj kolkaściu śpiecefiektaŭ.

Navat adzin i toj samy kampazitar — Styŭ Jabłonski — pisaŭ muzyku da błakbastaraŭ. Možna skazać, što fanatam apošnich troch rabot Majkła Beja budzie dzie advieści dušu ŭ čakańni praciahu «Transformieraŭ».

Pryvabnym padajecca i jašče adzin fakt, jaki tyčycca «Marskoha boju»:

u roli adnoj sa zmaharak ź inšapłaniecianami vystupiła davoli viadomaja śpiavačka Ryjana.

Zaprašać u filmy muzykaŭ — pašyranaja źjava: tak, užo zhadany Uił Śmit z rep-vykanaŭca niekali pieratvaryŭsia ŭ supierzorku Halivudu. Acanić akciorskija zdolnaści pop-dzivy Ryjany možna budzie ŭ kinateatrach «Aŭrora», «Mir», «Maskva», «Kastryčnik», «Biełaruś».

Tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH