Biełaruski baksior Vazhien Safarjanc (vahavaja katehoryja da 60 kh) zavajavaŭ pucioŭku na Alimpijadu ŭ Łondanie. 18 krasavika ŭ 1/4 finału alimpijskaha kvalifikacyjnaha turniru ŭ Turcyi jon pieramoh bronzavaha pryziora Čempijanata śvietu 2009 hoda hruzina Kabara Pchakadze (15:7). Prabiŭšysia ŭ paŭfinał, Safarjanc aŭtamatyčna zavajavaŭ pucioŭku na Hulni.
Taksama 18 krasavika na kvalifikacyjnym turniry ŭ paŭfinał prabiŭsia biełarus Michaił Dałhaleviec (da 81 kh). Adnak u adroźnieńnie ad Safarjanca jon jašče nie zabiaśpiečyŭ sabie miesca ŭ Łondanie. U hetaj vahavoj katehoryi alimpijskuju licenziju atrymajuć tolki troje lepšych spartsmienaŭ.
Raniej licenzii nie zmahli zavajavać lidary biełaruskaj zbornaj Viktar Zujeŭ (zvyš 91 kh) i Mahamied Nurudzinaŭ (da 69 kh).
Akramia Safarjanca alimpijskuju licenziju maje Siarhiej Karniejeŭ (da 91 kh), jaki staŭ bronzavym pryzioram Čempijanata śvietu 2011 hoda.