Minzdaroŭja: Harmanalnyja kantraceptyvy pavinien vypisvać doktar, a nie susiedka 2

U lik biezrecepturnych nie ŭvajšli harmanalnyja kantraceptyvy, paviedamiła načalnik adździeła dapamohi maci i dzieciam Ministerstva achovy zdaroŭja Alena Bohdan na pres-kanfierencyi ŭ Minsku 17 krasavika. Pavodle jaje słoŭ, harmanalnyja kantraceptyvy pavinien vypisvać urač, a nie susiedka ci siabroŭka. Kožnaja žančyna ŭnikalnaja, i joj treba padbirać harmanalny kantraceptyŭ indyvidualna, padkreśliła Bohdan.

Jana paviedamiła, što ŭrač moža vypisvać kantraceptyvy na pieryjad da šaści miesiacaŭ. Takim čynam, skazała jana, žančyny minimum dva razy na hod buduć ahladacca ŭračom-hiniekołaham, kab pravilna padbirać kantracepcyju i kłapacicca pra svajo zdaroŭje. Bohdan taksama adznačyła, što daloka nie ŭsie žančyny repraduktyŭnaha ŭzrostu karystajucca aralnymi kantraceptyvami dla prafiłaktyki niepažadanaj ciažarnaści. Jana źviarnuła ŭvahu na toje, što, naprykład, unutrymatačnyja śpirali, jakija dosyć papularnyja siarod biełaruskich žančyn jak srodak kantracepcyi, buduć pradavacca biez receptaŭ.

Hałoŭny pazaštatny kliničny farmakołah Ministerstva achovy zdaroŭja Łarysa Haŭrylenka padkreśliła, što harmanalnyja kantraceptyvy «ŭmiešvajucca ŭ vielmi tonkuju strukturnuju arhanizacyju ŭ arhaniźmie žančyn». Hetyja lekavyja srodki mohuć vyklikać šerah uskładnieńniaŭ, naprykład trombaembaličnyja. Taksama isnuje ryzyka atłuścieńnia, depresii, matačnych kryvaciokaŭ, ankałahičnych zachvorvańniaŭ, u pryvatnaści raka małočnaj załozy.

Haŭrylenka adznačyła, što pavodle instrukcyj da harmanalnych kantraceptyvaŭ, jakija, jak praviła, vyrablajucca ŭ krainach ES, jany źjaŭlajucca preparatami, jakija adpuskajucca pa recepcie ŭrača.

Heta norma, jakaja nie padviarhajecca sumnieńniu, skazała jana.

Takim čynam, kab «padtrymlivać adpaviedny ŭzrovień zdaroŭja žančyn, pavinien być indyvidualny padychod da vybaru harmanalnaha kantraceptyva, kantrol stanu zdaroŭja, pieranosnaści pry jaho pryjomie». Heta cyvilizavany padychod, padkreśliła śpiecyjalist.

Alena Spasiuk, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH