Padviedzienyja vyniki dekady "Dziaržtechahlad", jakuju pravodzili ŭ Biełarusi z 20 pa 30 sakavika Upraŭleńnie DAI MUS, UP "Biełtechahlad" i Transpartnaja inśpiekcyja Mintransa.
Pres-słužba Mintransa paviedamlaje, što ŭsiaho za čas dekady rejdavymi hrupami było pravierana kala 32 tys. transpartnych srodkaŭ — rekordnaja kolkaść dla takoha mierapryjemstva. Ź ich bolš jak 20% (6.708) ekspłuatavalisia z parušeńniami terminaŭ prachodžańnia dziaržaŭnaha techahladu.
Pa ŭsich faktach parušeńniaŭ supracoŭnikami DAI i Transpartnaj inśpiekcyjaj byli składzieny pratakoły.Da administracyjnaj adkaznaści pryciahnuta 239 słužbovych asob za dopusk da ŭdziełu ŭ darožnym ruchu transpartnych srodkaŭ, jakija nie prajšli va ŭstanoŭlenym paradku dziaržtechahlad.
Jak zaznačajuć u Mintransie, infarmavańniu aŭtaŭładalnikaŭ ab praviadzieńni dekady sadziejničała zahadzia arhanizavanaja praca. Tak, napiaredadni mierapryjemstva byli raspaŭsiudžanyja 4 tysiač ulotak ź infarmacyjaj ab im. Taksama vialikuju padtrymku akazali srodki masavaj infarmacyi, jakija nie tolki praanansavali padzieju, ale i sami ŭziali ŭdzieł u rejdach. Aprača taho, u stalicy i rehijonach byli praviedzieny 23 akcyi na dyjahnastyčnych stancyjach, padčas jakich aŭtaŭładalniki zaachvočvalisia suvienirami i drukavanaj pradukcyjaj.
