U kamientary dla BiełaPAN dyrektar IIHF pa suviaziach z hramadskaściu Sajman Šembierh byŭ vielmi łakaničny: «Prašu źviarnuć uvahu na našu aficyjnuju pazicyju pa hetym pytańni. Jaje mižnarodnaja fiederacyja prytrymlivajecca na praciahu apošniaha hoda i da hetaj chviliny ničoha nie źmianiłasia».
U aficyjnaj pazicyi IIHF havorycca nastupnaje: «Kožny z 70 členaŭ IIHF budzie mieć mahčymaść uźniać pytańnie ab praviadzieńni čempijanatu śvietu ŭ Biełarusi. I kali pytańnie budzie ŭźniata, rašeńnie pa im budzie prymać kanhres».
Zajavy pra nieabchodnaść pazbavić Biełaruś prava na praviadzieńnie čempijanatu śvietu pa chakiei stali źjaŭlacca paśla žorstkaha razhonu 19 śniežnia 2010 hoda ŭ Minsku apazicyjnaha mitynhu niazhodnych z aficyjnymi vynikami prezidenckich vybaraŭ.
Miesca praviadzieńnia čempijanatu śvietu pa chakiei źmianiałasia tolki adnojčy: paśla taho jak u 1968 hodzie Saviecki Sajuz akupavaŭ Čechasłavakiju, viasnovy čempijanat śvietu 1969 hoda, jaki płanavaŭsia ŭ Prazie, byŭ pieraniesieny ŭ Stakholm.
