Deputaty pałaty pradstaŭnikoŭ na pasiadžeńni 12 krasavika pryniali ŭ druhim čytańni papraŭki ŭ zakon ab statusie deputata pałaty pradstaŭnikoŭ i člena savieta respubliki nacyjanalnaha schodu.
Zakonaprajektam ustanaŭlivajucca dadatkovyja patrabavańni da pamočnikaŭ parłamientaryjaŭ. U pryvatnaści, praduhledžvajecca, što hramadzianin Biełarusi nie moža źjaŭlacca pamočnikam u vypadku: zajmańnia dziaržaŭnaj pasady; pryznańnia jaho va ŭstanoŭlenym zakonam paradku niedziejazdolnym abo abmiežavana dziejazdolnym; najaŭnaści sudzimaści; padavańnia im zaviedama niepraŭdzivych źviestak, nieabchodnych dla ažyćciaŭleńnia dziejnaści pamočnika. Dla pamočnikaŭ, jakija pracujuć na ŭmovach apłaty pracy, uvodzicca dadatkovaje abmiežavańnie, jakoje praduhledžvaje, što pamočnik nie pavinien znachodzicca ŭ blizkim svajactvie abo svajactvie z adpaviednym deputatam Pałaty pradstaŭnikoŭ, členam savieta respubliki.
Pavodle słoŭ namieśnika staršyni parłamienckaj kamisii pa dziaržaŭnym budaŭnictvie, miascovym samakiravańni i rehłamiencie Alaksandra Zazuli, hetyja papraŭki nabuduć moc 1 kastryčnika 2012 hoda. Takim čynam, jany buduć raspaŭsiudžvacca na nastupny skład parłamienta. Vybary ŭ Pałatu pradstaŭnikoŭ pavinny prajści ŭ vieraśni.
Zakonaprajekt taksama praduhledžvaje infarmavańnie nasielnictva ab pamočnikach deputata Pałaty pradstaŭnikoŭ, člena savieta respubliki, u tym liku z dapamohaj miascovych drukavanych srodkaŭ masavaj infarmacyi i na aficyjnych sajtach pałaty pradstaŭnikoŭ, savieta respubliki, adpaviednych miascovych vykanaŭčych i rasparadčych orhanaŭ u internecie.
