«Pacałunak Pucina» vychodzić u prakat + film 4

Na nastupnym tydni,

u kinateatrach ZŠA pačynajecca pakaz dakumientalnaha filma «Pacałunak Pucina», jaki raspaviadaje historyju rasiejskaj dziaŭčyny, jakaja stała viadomaj u siaredzinie 2000-ch, kali pacałavała Uładzimira Pucina ŭ ščaku i heta ŭbačyła ŭsia kraina.

Film źniaty dackim režysioram Liz Birk Pedersens.

Pucin vyjhraŭ svoj treci termin na pasadzie prezidenta Rasii ŭ minułym miesiacy i aficyjna stanie prezidentam u mai. Jon skančaje svajo znachodžańnie na pasadzie prem'jer-ministra, jakim byŭ u suviazi z zakanadaŭčym abmiežavańniem zajmać pasadu prezidenta bolš za dva terminy zapar.

Pakul nie viadomaja na Zachadzie,

Maša Drokava źjaŭlajecca simvałam ŭłady Pucina i pieršaha pakaleńnia, što dasiahnuła paŭnalećcia ŭ postsavieckaj Rasii.

Maša pracavała na pasadzie pres-sakratara ruchu «Našy», moładzievaha ruchu, stvoranaha Kramlom u 2005 hodzie. «Našy» arhanizoŭvali masavyja šeści ŭ padtrymku Pucina, aktyŭna procidziejničali apazicyi na kožnym jaje kroku.

U ruch «Našy» ŭvachodziać tysiačy členaŭ, ale tolki ambicyjny, pravincyjny padletak z Padmaskoŭja była ŭznaharodžanaja i stała ruparam ruchu «Našy».

Jana atrymała mašynu, kvateru i navat svajo televizijnaje šou. U filmie pakazana, jak Maša pačynaje sumniavacca va ŭsim hetym, pačaŭšy siabravać ź niezaležnymi žurnalistami, jakija krytykujuć Pucina.

Aŭdytoryja ŭbačyć rasčaravańnie i Mašyn bol, kali adzin z tych niezaležnych žurnalistaŭ (havorka mabyć, pra Kašyna), budzie žorstka źbity złamyśnikami, jakich adnosiać da ruchu «Našy». Film «Pacałunak Pucina» atrymaŭ uznaharodu suśvietnaha kiniematohrafa na feście niezaležnaha kino Sundance ŭ hetym hodzie.

CNN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH