Rasijskuju kinapremiju «Nika» atrymaŭ film pra antybalšavickaje paŭstańnie + trejler 9

Rasijskaja Akademija kiniematahrafičnych mastactvaŭ pryznała filmam hoda stužku Andreja Śmirnova «Žyła-była adna baba».

Film atrymaŭ «Niku» ŭ piaci naminacyjach — aproč taho, što karcina pryznanaja najlepšaj, jana adznačanaja za najlepšuju žanočuju hałoŭnuju rolu (Darja Jekamasava), najlepšuju mužčynskuju rolu druhoha płanu (Raman Madźjanaŭ), najlepšaha mastaka i najlepšaha mastaka pa kaściumach.

Sam režysior Andrej Śmirnoŭ, jaki raniej źniaŭ kultavy «Biełaruski vakzał», adznačany za najlepšy scenar, paviedamlaje Gazeta.ru.

Druhoj pa kolkaści atrymanych «Nikaŭ» stała karcina Andreja Źviahincava «Alena».

Na «film hoda» pretendavali taksama stužki «Vysocki. Dziakuj, što žyvy» Piatra Busłova, «Šapito-šou» Siarhieja Łobana i «Sibir. Monamur» Viačasłava Rosa.

Jany atrymali «Niki» ŭ inšych naminacyjach.

Film «Žyła-była adna baba» apaviadaje pra Antonaŭskaje paŭstańnie 1921 ŭ Tamboŭskaj hubierni, jakoje balšaviki zadušyli hazam i harmatami.

Trahičnyja padziei 1920-ch pakazanyja praz pryzmu losu prostaj sialanki Varvary.

* * *

Premija «Nika» była zasnavanaja ŭ 1987 Sakrataryjatam Sajuza kiniematahrafistaŭ SSSR. Jaje pieramožcy vyznačajucca šlacham tajemnaha hałasavańnia siabraŭ Akademii kiniematahrafičnych mastactvaŭ. Zasnavalnik i mastacki kiraŭnik premii — kinarežysior Julij Husman.

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH