U aŭstryjskim horadzie Zalcburh va ŭzroście 76 hadoŭ pamior hanarovy staršynia naziralnaha savieta aŭtakancerna Porsche i stvaralnik lehiendarnaj spartovaj madeli Porsche 911 Fierdynand Alaksandr Porše.
«Tvorca 911 stvaryŭ tuju kulturu dyzajnu, jakim pradpryjemstva pa hety dzień kirujecca pry raspracoŭcy spartyŭnych madelaŭ», — zajaviŭ staršynia praŭleńnia Porsche Macias Miuler.
Fierdynand Alaksandr Porše naradziŭsia 11 śniežnia 1935 h. u Štutharcie. Jon byŭ starejšym dziciem u siamji Fiery Porše i jaho žonki Daroty. Jašče ŭ dziacinstvie vialiki ŭpłyŭ na Fierdynanda mieli aŭtamabili, bo šmat času jon pravodziŭ u dyzajnierskich biuro i centrach pa raspracoŭcy aŭto svajho dziaduli Fierdynanda Parše.
U 1958 h. pryjšoŭ na pracu ŭ kanstruktarskaje biuro kampanii. U 1962 h. Fierdynand Alaksandr Porše ŭznačaliŭ studyju dyzajnu Porsche Design Studio i ŭžo praz hod patros śviet svaim Porsche 911.
Porsche 911 pieršapačatkova byŭ stvorany dla honak, rali i inšych aŭtamabilnych spabornictvaŭ. Samaj udałaj madyfikacyjaj ekśpierty časta nazyvajuć 911 Carrera RSR, jakaja vyjhrała ŭ siaredzinie
Aŭtamabil byŭ raspracavany jak zamiena Porsche 356. Stvaralniki ličyli, što žyćciovy cykł madeli składzie nie bolš za 15 hadoŭ, adnak styl, inžyniernyja rašeńni i vydatny ŭzrovień vytvorčaści i zborki aŭtamabila padoŭžyŭ jaho žyćcio: mašyna pačała karystacca biesprecedentnaj papularnaściu ŭ publiki.
Mašyna pieršaha pakaleńnia, stvoranaja Fierdynandam Aleksandram Porše, była pradstaŭlena ŭ 1963 h. na Frankfurckim aŭtasałonie, i ŭžo ŭ nastupnym hodzie byŭ naładžany jaje sieryjny vypusk. U 1974 h. stvaralniki prezientavali Porsche 911 Turbo, jaki vałodaŭ vialikimi charaktarystykami: 260 konskich sił, paskareńnie da 100 km/h na praciahu 6 siekund, maksimalnaja chutkaść u 250 km/h. Nieŭzabavie vypuścili pierachodnyja madeli treciaha, čaćviortaha i piataha pakaleńniaŭ.
