29-hadovy Jaŭhien Litvinkovič staŭ adkryćciom konkursu «Ukraina maje talent», jaki transiuje telekanał STB. Ukrainskaje telebačańnie raskazvaje pra salista studyi Žodzinskaha haradskoha Doma kultury, što ŭ siabie na radzimie jon nieadnarazova sprabavaŭ prabicca na vialikuju scenu, ale paśla čarhovaha rasčaravańnia vyrašyŭ zaniacca biznesam. Zrešty, kazać, što jon nie sprabuje bolš svaje siły ŭ Biełarusi, nie zusim słušna. Tak, hod tamu nie prajšoŭ u finał rasijskaha konkursu «Novaja chvala». I tym nie mienš, śpiavak sioleta biare ŭdzieł u muzyčnym prajekcie telekanała ANT «Akademija talentaŭ».
A zaadno sprabuje svaje siły na ŭkrainskim konkursie. Čaćviorty siezon «Ukraina maje talent» moža stać dla jaho zornym. Apošni kuplet jahonaj pieśni «Sweet People» mnohija hledačy vitali stojačy.
