Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ na videabryfinhu 2 krasavika na
Razam z tym, adznačyŭ jon, siońniašnija śnieh i zavirucha nie źjaŭlajucca anamalijami dla hetaha pieryjadu. «Śnieh u pačatku krasavika vypadaje časta», — skazaŭ sinoptyk, adznačyŭšy,
što, naprykład, 9 krasavika 2003 hoda słoj śniehu ŭ Minsku dasiahaŭ 6 sm.
U aŭtorak, paviedamiŭ Rabaŭ, nadvorje ŭ Biełarusi nienadoŭha palepšycca — tolki miescami mahčymy nievialiki karotkačasovy i mokry śnieh. U načnyja i ranišnija časy na darohach hałalodzica. U asobnych rajonach Viciebskaj i Mahiloŭskaj abłaściej čakajecca ŭzmacnieńnie vietru z paryvami da 15–18
Pavodle słoŭ sinoptyka, zacišša ŭ nadvorji budzie niedoŭhačasovym,
užo ŭ sieradu praź Biełaruś čakajecca ruch čarhovaha cykłonu. Nadvorje budzie davoli kantrasnym: na poŭnačy — zima, na poŭdni — viasna.Na bolšaj častcy terytoryi Biełarusi projdzie śnieh, mokry śnieh, pa poŭdni — z daždžom. Dniom pa paŭnočnaj pałovie miescami čakajecca mocny śnieh, nalipańnie mokraha śniehu. Nočču i ranicaj u asobnych rajonach słaby hałalod, na darohach hałalodzica. Tempieratura pavietra nočču minus 3°S — plus 3°S, pa paŭnočnym uschodzie pry prajaśnieńniach da minus 7°S. Maksimalnaja dniom budzie vahacca ad 0°S na poŭnačy da plus 13°S na poŭdni krainy.
U čaćvier zachavajecca ŭpłyŭ cykłonu, jaki budzie pieramiaščacca ŭhłyb Rasii. Tamu na bolšaj častcy terytoryi Biełarusi projduć apadki ŭ vyhladzie mokraha śniehu i daždžu, a pa poŭnačy Viciebskaj vobłaści ŭ asobnych rajonach — mocny mokry śnieh. Dniom apadki pastupova spyniacca. Nočču i ranicaj u asobnych rajonach čakajecca słaby hałalod, na darohach hałalodzica. Tempieratura pavietra minimalnaja dniom plus 2–9°S, pa paŭdniovym uschodzie Homielskaj vobłaści — na paru hradusaŭ ciaplej.
U piatnicu, pavodle słoŭ sinoptyka, nadvorje budzie farmiravać padvyšany fon atmaśfiernaha cisku, buduć prajaśnieńni, i ŭ dzionnyja časy paraduje sonca.Heta budzie najlepšy dzień na tydni, adznačyŭ Rabaŭ. Čakajecca pieravažna biez apadkaŭ, tempieratura pavietra nočču 0°S — minus 5°S, pry prajaśnieńniach da minus 7°S. Dniom budzie davoli vobłačna, i tempieratura pavietra składzie plus 3–10°S, pa poŭdni da plus 12°S.
Jak zajaviŭ śpiecyjalist, u bližejšyja vychadnyja atmaśfiernyja franty Zachodniaj Jeŭropy stanuć pryčynaj paharšeńnia nadvorja. Na bolšaj častcy terytoryi Biełarusi projduć apadki ŭ vyhladzie mokraha śniehu i daždžu. Nočču i ranicaj u asobnych rajonach słaby hałalod, na darohach hałalodzica. Tempieratura pavietra ŭ subotu minimalnaja nočču minus 4°S — plus 3°S, maksimalnaja dniom plus 3–10°S, pa paŭdniovym uschodzie da plus 13°S. U niadzielu čakajecca paŭnočny viecier i tempieratura pavietra nočču panizicca da 0°S — minus 7°S. Dniom čakajecca 0°S — plus 9°S.
«Taki tempieraturny fon na 1–3°S chaładniejšy za zvyčajny dla hetych čysłaŭ krasavika», — skazaŭ Rabaŭ. Tak choładna ŭ Biełarusi byvaje adzin raz na 8 hadoŭ.
Jak paviedamiŭ sinoptyk, na bližejšyja sutki va ŭsich abłasnych centrach Biełarusi abjaŭlena štarmavoje papiaredžańnie: nočču i ranicaj na darohach čakajecca hałalodzica.
