Pra heta paviedamiŭ amieśnik hienieralnaha dyrektara Nacyjanalnaj avijakampanii «Biełavija» Ihar Čarhiniec.
Pavodle jaho słoŭ, pieraloty ažyćciaŭlajucca ŭ miežach raniejšych damoŭlenaściaŭ da 12 krasavika ŭklučna. «Da hetaj daty vydadzieny dazvoły i nam, i rasijskim kampanijam», — udakładniŭ pradstaŭnik «Biełavija».
Na pytańnie, što budzie paśla 12 krasavika, Čarhiniec adkazać nie zmoh. «Ciažka skazać, što heta budzie — čarhovy raŭnd pieramoŭ ci kansultacyi, abojakija-niebudź jašče mietady ŭzajemadziejańnia», — skazaŭ jon.
U Ministerstvie transpartu i kamunikacyj Biełarusi, a taksama ŭ departamiencie pa avijacyi situacyju nie kamientujuć.
***
Nahadajem, ranicaj 26 sakavika na čatyry hadziny byli spynieny avijaznosiny pamiž Minskam i Maskvoj. Heta adbyłosia paśla taho, jak Fiederalnaje ahienctva pavietranaha transpartu (Rasavijacyja) adklikała dazvoł na vykanańnie kampanijaj «Biełavija» rejsaŭ ź Minska i Maskvy.
Na ekstrannaj
U svaju čarhu, Mintrans RF zajaŭlaje, što dziejnaje pamiž Rasijaj i Biełaruśsiu pahadnieńnie ab pavietranych znosinach nie adpaviadaje pahadnieńniu ab ahulnaekanamičnaj prastory i normam Mytnaha sajuza.
29 i 30 sakavika ŭ Maskvie prachodzili pieramovy pradstaŭnikoŭ avijacyjnych uład Rasii i Biełarusi. Pa vynikach pieršaha dnia Mintrans Rasii raspaŭsiudziŭ paviedamleńnie, što padčas pieramoŭ baki paćvierdzili dziejnuju prahramu avijapalotaŭ pamiž krainami da 10 maja. U adkaz na heta pradstaŭniki Biełarusi zajavili, što havaryć pra dasiahnutyja damoŭlenaści dačasna — lubyja kamientary mohuć źjaŭlacca tolki paśla vynikaŭ pieramoŭ, inakš heta možna rasceńvać jak nacisk na biełaruski bok.
Miarkujučy pa ŭsim, pakul baki zastalisia kožny pry svaich intaresach: rasijski — prapanoŭvaje vyklučyć z dvuchbakovych damoŭlenaściaŭ lubyja abmiežavańni, biełaruski — praciahvaje nastojvać na parytecie.
