Biełaruskija ŭłady nie źviartalisia ŭ struktury Sajuznaj dziaržavy z prośbaj abmiežavać vyjezd za miažu niekatorych hramadzianam, pazbaŭlenym hetaha prava ŭ Biełarusi. Heta vynikaje z zajavy dziaržaŭnaha sakratara SD Ryhora Rapoty na pres-kanfierencyi ŭ Minsku 30 sakavika.
«Asabista da mianie nichto nie źviartaŭsia z prapanovami padobnaha rodu, tamu što heta razhladajecca jak suvierennaja prava kožnaj dziaržavy — rehulavać ujezd i vyjezd hramadzian u trecija krainy», — zajaviŭ Rapota.
Pavodle jaho słoŭ, nijakimi damovami ŭ ramkach Sajuznaj dziaržavy «heta nijak nie rehulujecca». «U nas rehulujecca tolki ŭzajemnaje pierasiačeńnie miažy. Rehulavańnie zaklučajecca ŭ tym, što jano nijak nie rehulujecca (na dziaržmiažy pamiž Biełaruśsiu i Rasijaj adsutničaje pamiežny kantrol. — BiełaPAN.). Prosta adsutničaje rehulatar. Usio astatniaje nie ŭvachodzić u śfieru našaj kampietencyi», — skazaŭ Rapota.
