Bujnaja partyja kantrabandnaha zamiežnaha adzieńnia zatrymana supracoŭnikami Ašmianskaj mytni pry sprobie niezakonnaha ŭvozu na terytoryju Mytnaha sajuza praz biełaruska-litoŭski ŭčastak miažy.
Jak paviedamlaje pres-słužba Dziaržaŭnaha mytnaha kamiteta, 25 sakavika na mytny post «Bieniakoni» prybyŭ hruzavy aŭtamabil marki «Volva», jakim kiravaŭ hramadzianin Biełarusi. Zhodna z dakumientami aŭtamabil pieravoziŭ 19 ton «zbornaha hruzu»: nasieńnie lasnych dreŭ, farforavyja popielnicy, farbu i inš. Pry praviadzieńni apieracyj mytnaha kantrolu z vykarystańniem inśpiekcyjnaha nadhladnaha kompleksu (INK) aprača zajaŭlenych tavaraŭ u pryčepie byli znojdzieny dadatkovyja hruzavyja miescy, nie ŭkazanyja ŭ tavarasupravadžalnych dakumientach.
Padčas mytnaha nadhladu transpartnaha srodku ŭstanoŭlena, što akramia zajaŭlenaha tavaru ŭ hruzavym adsieku pieravozicca bujnaja partyja adzieńnia. Na sukienki, abutak, bižuteryju tavarasupravadžalnyja dakumienty adsutničali.
Hruz ahulnaj vahoj bolš za 3 tony papiarednim koštam zvyš 6 młrd. rubloŭ zatrymany. Pa fakcie vyjaŭlenaha pravaparušeńnia pravodzicca pravierka.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
