Ź siaredziny hoda Ministerstva achovy zdaroŭja ŭzmocnić kantrol za vykanańniem praviłaŭ vodpusku lekaŭ u aptekach,paviedamiŭ namieśnik ministra Hienadź Hadavalnikaŭ 28 sakavika ŭ Minsku na
«Ź siaredziny hoda my budziem nadavać vielizarnuju ŭvahu žorstkamu raździaleńniu, što realizujecca pa recepcie, a što — biez recepta,— zajaviŭ jon, źviartajučysia da rabotnikaŭ aptek. — Adrazu rychtujciesia i nastrojvajciesia, kab stroha vykonvać praviły realizacyi lekaŭ z aptek».
Jak zajaviła hałoŭny pazaštatny śpiecyjalist Ministerstva achovy zdaroŭja pa kliničnaj farmakałohii Łarysa Haŭrylenka, siońnia ŭ Biełarusi leki recepturnaha vodpusku časta pradajuć biez recepta, u tym liku takija mocnadziejnyja, jak antybijotyki, antybakteryjalnyja preparaty. Atrymała raspaŭsiudžańnie praktyka, kali ŭrač zamiest taho, kab vypisać recept, daje pacyjentu adryŭnyja tałončyki, kavałki papiery i tamu padobnaje z nazvaj rekamiendavanaha preparata.
Akramia taho, zajaviła Haŭrylenka, dla Biełarusi siońnia ŭsio bolš aktualnaja prablema biezadkaznaha samalačeńnia, množnaha prymianieńnia chvorymi bakteryjalnych preparataŭ, antyhipiertenzijnych srodkaŭ i hetak dalej. Isnuje prablema vykarystańnia dla samalačeńnia chvorymi tych srodkaŭ i mietadaŭ, jakija nie majuć dokaznaj bazy ich efiektyŭnaści i biaśpieki. U pryvatnaści razmova idzie pra bijadabaŭki, homieapatyčnyja srodki.
Miž tym, padkreśliła śpiecyjalist, u krainie raspracavany dakładnyja kryteryi adniasieńnia lekaŭ da biezrecepturnych: adsutnaść značnych pabočnych reakcyj, u tym liku adterminavanych reakcyj (kancerahiennych, teratahiennych, mutahiennych uździejańniaŭ), a taksama reakcyj, jakija ŭźnikajuć pry raptoŭnaj admienie preparata. Biezrecepturnyja leki pavinny vałodać vialikaj šyratoj dziejańnia, mieć nizkuju ryzyku raźvićcia śpiecyfičnych vidaŭ taksičnaści, pavinny mieć prostuju schiemu pryjomu i dziciačyja daziroŭki. Pavinien isnavać vopyt prymianieńnia hetych lekaŭ u peŭnaj lekavaj formie i režymie dazavańnia nie mienš jak piać hadoŭ, padkreśliła Haŭrylenka. Sposab prymianieńnia nie pavinien patrabavać udziełu miedrabotnika. Nie pavinna być vyražanych abmiežavańniaŭ pa pryjomie lekaŭ dla dziaciej, sastarełych i ciažarnych i h.d.
Jak paviedamiła dekan farmaceŭtyčnaha fakulteta Viciebskaha dziaržaŭnaha miedycynskaha ŭniviersiteta Valancina Kuhač, zaćvierdžany Ministerstvam achovy zdaroŭja pieralik lekaŭ, jakija mohuć być realizavany biez recepta, naličvaje prykładna tysiaču najmieńniaŭ (biez uliku lekavych form). Usiaho ž u Biełarusi zarehistravana pryblizna 6 tys. najmieńniaŭ miedpreparataŭ.
