Budynak na paštoŭcy mižvajennaha času.
Padčas ramontu budynka pošty ŭ centry Hłybokaha źmianiajuć vyhlad fasadu.
Budaŭniki ŭstaŭlajuć novyja vokny, mienšyja za staryja. Častku akonnych prajomaŭ zakładajuć cehłaj. Vokny - z płastykavymi, a nie draŭlanymi ramami.
Budynak byŭ uźviedzieny u styli madern u pieršyja dziesiacihodździ XX stahodździa. U 1930-ja byŭ pierabudavany - nad adnapaviarchovaj prybudovaj nadbudavany druhi pavierch, i źniaty bałkon nad uvachodam, jaki pierastaŭ być simietryčnym. Kamianica znachodzicca na vulicy Zamkavaj (Lenina), jakaja złučaje dva histaryčnyja centry Hłybokaha.
Vierahodna, pierabudova pošty źviazanaja z padrychtoŭkaj da Dnia biełaruskaha piśmienstva, jaki płanujecca pravieści ŭ Hłybokim u vieraśni.
Kamianica nie znachodzicca ŭ dziaržaŭnym śpisie historyka-kulturnych kaštoŭnaściaŭ, i zakony ab achovie spadčyny na jaje nie raspaŭsiudžvajucca.