Na polskaj častcy punkta propusku praź miažu Polščy i Biełarusi «Kuźnica» — «Bruzhi» pačalisia afarmleńnie vialikahruznych aŭtamabilaŭ i ich propusk na biełaruskuju terytoryju,paviedamiŭ
Pavodle jaho słoŭ, ź biełaruskaj terytoryi na ŭjezd u Polšču pakul afarmlajucca tolki lehkavyja aŭtamabili, hruzaviki nie prapuskajucca. Mahutnaść punkta propusku na terytoryi Biełarusi ŭzmocniena na košt pryciahnutych sił i srodkaŭ. Biełaruskija śpiecyjalisty hatovy aformić na ŭjezd u krainu stolki transpartnych srodkaŭ, kolki prapuścić polski bok, skazaŭ Alaksandr Ciščanka.
Prykładna ŭ hadzinu nočy 27 sakavika spyniŭsia hruzapatok z boku Polščy, a ź dźviuch hadzin polskim bokam spyniŭsia pryjom aŭtamabilaŭ z boku Biełarusi. U suviazi z hetym ruch hruzavych aŭtamabilaŭ nie ažyćciaŭlaŭsia ni ŭ bok Biełarusi, ni ŭ polskim napramku.
Pry hetym mašynapatok lehkavych aŭtamabilaŭ afarmlaŭsia i afarmlajecca ŭ zvyčajnym režymie. Patrabavańniami hruzapieravozčykaŭ, jakija zabłakiravali padjezd da «Kuźnicy», źjaŭlajucca źmianieńnie technałohii propusku hruzavych transpartnych srodkaŭ u punkcie propusku, a taksama abstalavańnie pierad im parkinha, u jakim budzie arhanizavana funkcyjanavańnie sistemy rehistracyi hruzavoha aŭtatranspartu i čarhovaści ŭjezdu ŭ punkt propusku.
Akramia taho, vadzicieli nastojvali na zabieśpiačeńni ŭjezdu ŭ polski punkt propusku hruzavikoŭ u paradku čarhovaści, navat vyklučyŭšy pazačarhovy propusk transpartu z chutkapsavalnymi i niebiaśpiečnymi hruzami.
Pa stanie na 12.00 na biełaruskim baku vyjezdu ŭ Polšču čakali kala 70 aŭtamabilaŭ, na polskim — kala 400.