U Biełaruś jeduć indyjskija kinapradziusary 1

23 sakavika ŭ Minsku na sustrečy pradstaŭnikoŭ srodkaŭ masavaj infarmacyi Indyi z namieśnikam ministra kultury Tadevušam Stružeckim dasiahnuta damoŭlenaść ab pryjeździe ŭ Biełaruś indyjskich kinapradziusaraŭ. Ab hetym paviedamiła BiełaPAN pres-sakratar Ministerstva kultury Hanna Smolskaja.

Pavodle jaje słoŭ, padčas hetaha mahčymaha pryjezdu płanujecca abmierkavańnie pytańniaŭ supracoŭnictva ŭ kinaśfiery i ŭdziełu indyjskich kiniematahrafistaŭ u Minskim mižnarodnym kinafiestyvali «Listapad».

Jak paviedamiła Smolskaja, sustreča była arhanizavana pa inicyjatyvie pradstaŭnikoŭ indyjskaha ofisa telekanała Asian News Channel: dyrektara i hałoŭnaha redaktara Sandžyv Malik i staršyni adździeła pa raźvićci dziełavych suviaziaŭ Ramit Kaŭr.

Padčas sustrečy byli razhledžany pytańni dvuchbakovaha biełaruska-indyjskaha supracoŭnictva ŭ śfiery kultury. Asabliva była zasiarodžana ŭvaha na prahramie supracoŭnictva pamiž uradami Biełarusi i Indyi ŭ śfiery kultury, mastactva, adukacyi, srodkaŭ masavaj infarmacyi i druku na 2012–2014 hady, jakaja rychtujecca da padpisańnia ŭ 2012 hodzie.

Była taksama abmierkavana mahčymaść zaprašeńnia indyjskich tancavalnych kalektyvaŭ dla ŭdziełu ŭ fiestyvali «Sožski karahod».

Akramia taho, na sustrečy była adznačana zacikaŭlenaść indyjskaha boku ŭ supracoŭnictvie ź viadučymi navučalnymi ŭstanovami kultury Biełarusi.

Uličvajučy cikavaść bakoŭ da dalejšaha ŭmacavańnia biełaruska-indyjskaha supracoŭnictva, udzielniki sustrečy paćvierdzili nieabchodnaść jaho raźvićcia pa roznych kirunkach adnosin u śfiery kultury.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH