Jak raspaviali ahienctvu Frans Pres pradstaŭniki dypłamatyčnych kołaŭ ES,
Eštan vykazała mierkavańnie, što pasły pavinny viarnucca ŭ Biełaruś da samita kiraŭnikoŭ MZS krain Jeŭrasajuza, jaki projdzie 22–23 sakavika. Jak čakajecca, na hetaj sustrečy mohuć być pryniaty novyja sankcyi ŭ dačynieńni da Minska.
27 pasłoŭ krain ES byli adklikanyja ź Biełarusi ŭ kancy lutaha. Hetamu papiaredničała viartańnie na radzimu vysokapastaŭlenych biełaruskich dypłamataŭ z Varšavy i Brusela, a taksama rekamiendacyi biełaruskich uładaŭ polskamu ambasadaru i pradstaŭniku ES pakinuć Minsk.
Adklikańnie dypłamataŭ adbyłosia paśla reakcyi łukašenkaŭcaŭ na ŭviadzieńnie z boku ES čarhovych sankcyjaŭ u dačynieńni da Biełarusi. 27 lutaha jašče 20 łukašenkaŭcaŭ byli dadatkova ŭniesieny ŭ «čorny śpis» asob, jakim zabaronieny ŭjezd na terytoryju Jeŭrasajuza. U ich lik patrapili vysokapastaŭlenyja siłaviki i sudździ, jakija majuć dačynieńnie da represij.
15 sakavika ŭ MZS Biełarusi zajavili: pytańnie ab viartańni pasłoŭ biełaruskija ŭłady płanujuć razhladać paśla 23 sakavika. Kamientujučy žurnalistam infarmacyju ab tym, što ES nibyta hatovy pryniać rašeńnie ab viartańni svaich pasłoŭ u Minsk, namieśnik načalnika ŭpraŭleńnia infarmacyi — načalnik adździeła
«U nas niama takoj infarmacyi. Adnak, razvažajučy razumna, ab jakim viartańni jeŭrapiejskich pasłoŭ siońnia moža iści havorka, kali sam Jeŭrasajuz nie stamlajecca pahražać nam uviadzieńniem novych sankcyj 23 sakavika? Davajcie spačatku dačakajemsia hetaj daty, a ŭžo potym my budziem vyznačacca, u tym liku i adnosna viartańnia pasłoŭ»,— paviedamlaje BiełaPAN.
