Coca-Cola i Pepsi mianiajuć recepty napojaŭ, kab paźbiehnuć raźmiaščeńnia na butelkach papiaredžańnia ab niebiaśpiecy ŭźniknieńnia rakavych zachvorvańniaŭ.
Jak śćviardžajuć amierykanskija navukoŭcy, u składzie napojaŭ Coca-Cola i Pepsi-Cola prysutničaje farbavalnik, jaki źmiaščaje 4-mietylimidazoł (4-MI), jaki ŭ chodzie daśledavańniaŭ vyklikaŭ ankałahičnyja zachvorvańni ŭ paddoślednych pacukoŭ.
Źmieny ŭ vyrabie napojaŭ užo ŭviedzieny ŭ Kalifornii, a ŭ chutkim časie i na ŭsioj terytoryi ZŠA.
Heta zroblena niahledziačy na toje, što Upraŭleńnie pa kantroli za jakaściu charčovych praduktaŭ i lekavych preparataŭ ZŠA (Food and Drug Administration) adprečyła śćviardžeńnie, što hetyja papularnyja napoi ŭtrymlivajuć kancerahien. Jak zajaviła hetaje viedamstva, kab koka i piepsi stali niebiaśpiečnymi ŭ hetym sensie, ich treba pić cysternami.
Z druhoha boku, kafiein i cukar u hazavanych napojach karyści arhanizmu ŭ kožnym razie nie prynosiać.