Ab hetym zajaviŭ žurnalistam načalnik upraŭleńnia arhanizacyi mytnaha kantrolu Dziaržaŭnaha mytnaha kamiteta Biełarusi Uładzimir Arłoŭski, kamiencirujučy ŭkaz № 55 ad 9 lutaha 2012 hoda, jakim zaćvierdžana pałažeńnie ab svabodnych składach.
Takaja mahčymaść była ŭ Biełarusi raniej, ale paśla jana stała niezapatrabavanaj. Ukaz daje paŭtornuju mahčymaść subjektam haspadarańnia vykarystać terytoryju svabodnych składoŭ mienavita ŭ handli aŭtamabilami jak na terytoryi Mytnaha sajuza, tak i za jaho miežami», — adznačyŭ Uładzimir Arłoŭski.
Raniej, da 2008 hoda, u Biełarusi svabodnyja składy pryznačalisia tolki dla handlu aŭtamabilami. Ciapier heta pracedura pašyrana, źjaŭlajecca mahčymaść pierapracoŭki, realizacyi abo vyvazu hatovaj pradukcyi. Heta hałoŭnaje źmianieńnie, jakoje niasie ŭkaz, padkreśliŭ Uładzimir Arłoŭski. Jon taksama ŭdakładniŭ, što ŭładalnikami svabodnych składoŭ mohuć być tolki rezidenty Biełarusi. Kali pryjdzie zamiežny inviestar, to jon pavinien być zarehistravany na terytoryi Biełarusi. Heta adna z umoŭ uklučeńnia ŭ rejestr uładalnikaŭ svabodnych składoŭ.
U adpaviednaści z pałažeńniem ab svabodnych składach, zaćvierdžanym ukazam numar 55, u dačynieńni da transpartnych srodkaŭ dapuskajecca tolki ich zachoŭvańnie na svabodnym składzie, pieradpradažnaja padrychtoŭka i realizacyja ŭładalnikam svabodnaha składa. Heta značyć, takija tavary mohuć raźmiaščacca na svabodnym składzie tolki dla praviadzieńnia apieracyj, anałahičnych apieracyjam, jakija dapuskajucca na mytnym składzie, biez utvareńnia novych tavaraŭ.
