Upieršyniu ŭ Biełarusi pacyjentu adnačasova pierasadzili donarskija serca i nyrku 3

U RNPC «Kardyjałohija» ŭpieršyniu ŭ Biełarusi pacyjentu adnačasova pierasadzili donarskija serca i nyrku, paviedamili BiełaPAN u pres-słužbie Ministerstva achovy zdaroŭja.

Apieracyja, jakuju pravodzili dźvie bryhady chirurhaŭ, doŭžyłasia 11 hadzin. Kardyjachirurhi pierasadzili 30-hadovamu mužčynu serca, zatym śpiecyjalisty RNPC transpłantacyi orhanaŭ i tkanak vykanali pierasadku nyrki.

Na padrychtoŭku da apieracyi, u pryvatnaści na pošuki donara, spatrebiŭsia prykładna hod. U pres-słužbie rastłumačyli, što pry transpłantacyi dźviuch i bolš orhanaŭ patrabujecca bolš žorstki adbor u paraŭnańni z tym, kali treba padabrać adzin orhan.

Da transpłantacyi pacyjent znachodziŭsia na hiemadyjalizie (štučnaja ačyščeńnie kryvi), jaki jon prachodziŭ trojčy na tydzień. Zaraz stan pacyjenta stabilny.

Pavodle źviestak Ministerstva achovy zdaroŭja, pa kolkaści transpłantacyj orhanaŭ Biełaruś znachodzicca na pieršym miescy ŭ SND. U 2011 hodzie ŭ krainie była praviedziena 241 takaja apieracyja, u tym liku 22 pierasadki serca.

U Biełarusi zapłanavana kompleksnaja pierasadka serca i piečani adnačasova, a taksama kompleksu serca-lohkija.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH