Šanoŭnyja biełarusy,
Kaardynacyjny Centr u Ryzie dla biełaruskaj hramadzianskaj supolnasci źviartaje vašuju ŭvahu na adnu z najvažniejšych padziejaŭ hetaha hodu ŭ Łatvii.
Niezaležnaja dziaržava, matčyna mova, nacyjanalnaja admietnaść, kultura i tradycyi zastajucca asnoŭnymi kaštoŭnaściami dla kožnaha naroda.
Dvaccać hadoŭ minuła ad času adnaŭleńnia niezałežnasci Biełarusi, kali biełarusy pačali adradžeńnie rodnaj movy, nacyjanalnaj kultury i tradycyj.
Na vialiki žal, naša rodnaja biełaruskaja mova paŭsiudna dyskryminujecca i niščycca ŭ vyniku doŭhaterminovaj abmiežavalnaj palityki,jakuju ŭ Biełarusi pravodzić aŭtarytarny režym Alaksandra Łukašenki paśla refierendumu 1995 hodu, kali ruskaj movie byŭ nadadzieny status dziaržaŭnaj.
Urad Biełarusi skaraciŭ abo admianiŭ usie kursy, jakija vykładajucca pa-biełarusku ŭ vyšejšych navučalnych ustanovach,vydańnie navukovych knižak, kłasičnaj prozy i paezii, dziciačaj litaratury. Vyjaŭleny šmatlikija vypadki zatrymańniaŭ milicyjaj i admovy nadańnia pracy ludziam tolki tamu, što jany ŭ štodzionnym žycci razmaŭlajuć pa-biełarusku.
Dziaržaŭnaja administracyja pad kiraŭnictvam Alaksandra Łukašenki zahadała zamianić biełaruskuju movu navučańnia na ruskuju ŭ bolšasci siarednich škoł i dziciačych sadkoŭ.U hety čas biełaruskamoŭnyja siem'i źbirajucca ŭ pryvatnych damach i kvaterach, kab vykładać svam dzieciam rodnuju movu i sapradnuju historyju našaj krainy pad ryzykaj napadu siłaŭ biaśpieki kirujučaha režymu ŭ Biełarusi.
Vašyja damy znachodziacca tut, u Łatvii, i vy źjaŭlajeciesia istotnaj častkaj łatvijskaha hramadstva.
My źviartajemsia da vas, kab abaranić lehitymnyja kanstytucyjnyja pravy i kaštoŭnasci vašych łatyšskich suajčynnikaŭ.
My zaklikajem vas 18 lutaha naviedać vybarčyja ŭčastki i prahałasavać suprać źmien u Kanstytucyju Łatvii i suprać nadańnia ruskaj movie aficyjnaha statusu druhoj dziaržaŭnaj movy ŭ Łatvii.
Ad imia Kaardynacyjnaha Centru dla biełaruskaj hramadzianskaj supolnasci
Raman Kavalčuk, vykanaŭčy dyrektar
0
0
0
0
0
0
