Delfiny, kasatki, ciuleni i inšyja marskija istoty majuć niezvyčajnuju pryciahalnaść. Im radujucca naviedniki vodnych parkaŭ, hledačy ŭ kinateatrach taksama hatovyja radavacca, kali bačać na ekranie ŭzmachi płaŭnikoŭ abo fantan sa śpiny.
Stvaralniki viedajuć pra papularnaść filmaŭ z marskimi žyviołami i pieryjadyčna prapanoŭvajuć stužki ŭ žanry siamiejnaha kino.Niekatoryja ź ich robiacca chitami. «Vyzvalicie Vili» — heta nie prosta mieładrama pra chłopčyka i kasatku, film staŭ hramadskaj padziejaj: byŭ stvorany dabračynny fond pa abaronie žyvioł, jakija znachodziacca ŭ niavoli, pra prablemu pačali havaryć hučniej.
Adčuvajecca dakumientalnaja asnova, i tolki ŭzmocnienyja ŭ patrebnych miescach kalizii nahadvajuć pra dramu, vyciskajuć ślazu.Važkaść karciny «Usie lubiać kitoŭ» u tym, što jana zroblenaja na realnym materyjale.
Prostaja kanfliktnaja situacyja ŭ vyniku ŭdała raskryvaje noravy nie tolki amierykanskaha hramadstva, ale i ludziej u cełym.Kity trapili ŭ śmiarotnuju niebiaśpieku, a dapamahčy im, akazvajecca, nie tak i lohka. Na hetaj hlebie raskryvajecca adrazu niekalki temaŭ.
Havorycca pra ŚMI, funkcyja jakich — raskryvać prablemy, prykoŭvać uvahu ludziej, pra palitykaŭ, jakija ŭ ideale pavinnyja słužyć narodu, ale čamuści admaŭlajucca vykonvać abaviazki, urešcie, pra tych, kamu «nie ŭsio adno».Hety zaciahany vyraz robicca lejtmatyvam karciny. Ale kali ŭ inšych stužkach baraćba z abyjakavaściu navakolnych pakazvajecca kidka, to ŭ filmie «Usie lubiać kitoŭ» — realistyčna i całkam praŭdapadobna. Jak vynik, paśla prahladu miesca nie tolki emocyjam, ale i niekatorym razvaham.
Karcinu možna ŭbačyć u kinateatrach Minska z 17 lutaha.Taksama siarod kinapremjer tydnia — film žachaŭ «Apantanaja», mieładrama ŭ styli niamoha kino «Artyst» i kamiedyjny bajavik «Značyć, vajna» .
0
0
0
0
0
0
