Jarasłaŭ Hryščenia. Fota svaboda.org.
15 lutaha ŭ Minsku na padstavie pošuku narkotykaŭ milicyja ŭ cyvilnym zładziła abłavu suprać aktyvistaŭ ruchu «Jeŭrapiejskaja Biełaruś».
Jarasłava Hryščeniu, Dźmitryja Kałača i Hannu Sałaŭjovu a 20-j viečara milicyjanty ŭ cyvilnym zatrymali na vulicy ŭ rajonie płoščy Pieramohi.Jarasłaŭ kaža, što dakumientaŭ nie pradjaŭlali. Chłopcaŭ pavalili na ziamlu, źbivali nahami, dziaŭčynu pastavili da ścienki. Jarasłavu mocna dastałosia pa hałavie, zastalisia siniaki i šyški.
«Spačatku dali ŭ hałavu, a potym skazali, što milicyja. Pieršy dakumient pra toje, što heta sapraŭdy milicyja, ja ŭžo ŭbačyŭ u Leninskim RUUSie Minska a pałovie na dziasiatuju.
Padčas pieratrusu mnie taksama nichto nijakich dakumientaŭ nie pakazaŭ, nie było ni dakumientaŭ, ni paniatych, ničoha».
Jarasłaŭ raspavioŭ, što milicyjanty ŭ cyvilnym skarystali jahonyja klučy i biez sankcyi prakurora ŭvarvalisia ŭ kvateru, jakuju vykarystoŭvaje ruch «Jeŭrapiejskaja Biełaruś». Tam było jašče šeść aktyvistaŭ arhanizacyi, jakich adrazu
pastavili da ścienki, bili pa nahach, u tym liku dziaŭčat,
— paviedamiŭ adzin ź ich, Alaksandar Sałdacienka.
Ludzi ŭ čornym uvarvalisia ŭ kvateru nibyta dla pošuku narkotykaŭ, ale zabrali drukavanuju pradukcyju, pahražali aryštam u SIZA KDB. Paźniej šaścioch čałaviek zavieźli ŭ Saviecki RUUS Minska, troch — u Leninski. Tam ich apytali i adpuścili biez składańnia pratakołaŭ.
Jarasłaŭ Hryščenia źbirajecca źniać paboi i napisać skarhi na niezakonnyja dziejańni milicyi: «Pajdu na «Viasnu» i budu pisać, pisać i pisać. Takoha biaspraŭja ja jašče ŭ žyćci nie bačyŭ.
A kali ty im kažaš: «Vy nie pradstavilisia», jon adkazvaje, što pakazaŭ tabie dakumient, kali ty tvaram da ziamli lažaŭ… Prabačcie, heta ŭžo niejki «hop-stop».
Pres-sakratar minskaj milicyi Alaksandr Łastoŭski zajaviŭ, što ničoha nie viedaje pra vypadak z aktyvistami «Jeŭrapiejskaj Biełarusi»: «Na majoj praktycy
ja nie sutykaŭsia z tym, kab zatrymanych źbivali. Čaściakom heta akazvajecca prosta vydumkaj.
Jak praviła, heta nie paćviardžajecca nikoli. Ja mahu skazać tolki adno: kali jany ličać, što supracoŭniki milicyi pieravyšali svaje paŭnamoctvy, kali sapraŭdy padziei, jakija jany apisvajuć, mieli miesca, tady jany majuć prava na skarhu».