«U mianie dvoje dzietak. Starejšamu my zamaŭlali ŭ Rasii „Limfomiazot“ — heta hamieapatyčny preparat, kab źmianšalisia limfavuzły. Raniej jano pradavałasia ŭ Biełarusi, jašče paŭhoda tamu», — kaža maci
Nie ŭsie preparaty možna nabyć u biełaruskich aptekach. Časam, za lekami jeduć u Maskvu dy Kijeŭ.
Svajmu małodšamu synu Ludmiła taksama pryviezła nieabchodnyja leki z Rasii. Bo ŭ Biełarusi niama.
«Małodšamu ja ŭ Rasii zamaŭlała „Łaktaza Bebi“ — heta fiermient, jaki dajecca, kali ŭ dziciaci ŭ arhaniźmie niedastatkova łaktabakteryj, jakija rasčaplajuć małako», — raskazvaje Ludmiła.
Leki davodzicca šukać navat u sacyjalnych sietkach.
Da viadučaj Tamary Lisickaj źviarnulisia pa dapamohu, bo10-miesiačnaj dziaŭčyncy patrebnyja byli leki, jakich u Minsku nie było. Jana, u svaju čarhu, napisała pra heta ŭ Fejsbuk… i preparat znajšli.
«Heta byli leki, jakija dapamahajuć zasvojvańniu ježy. U dziciaci była prablema, źviazanaja z hetym. Heta patrabavałasia nie vielmi terminova. Dziciaci, dziaŭčyncy, było 10 miesiacaŭ. Adrazu ž znajšlisia ludzi, jakija jeduć u Rasiju i znajšli hety preparat», — kaža Tamara Lisickaja.
Navat daktary narakajuć na adsutnaść niekatorych lekaŭ u aptekach. Niama, naprykład, preparatu dla ciažarnych!
«Jość preparat taki „Dapiehit“. Jon prymianiajecca pry arteryjalnaj hipiertenzii i adziny, jaki dazvoleny pry pieršych troch miesiacach ciažarnaści.
Inšy preparat ciažarnym nielha, a „Dapiehita“ niama. Jaho davodzicca nabyvać u Rasii», — kaža kardyjołah Alena.
U
U aptecy «Doktar Do» na Niamizie časta pytajuć leki ad prastudy, jakich niama ŭ najaŭnaści.
«Čaściej za ŭsio prastudnaha kštałtu. „
Adsutnaść niekatorych lekaŭ u Ministerstvie achovy zdaroŭja nazyvajuć… narmalnaj spravaj.
I pryvodziać prykład: u Rasii zarehistravana kala 20 tysiač najmieńniaŭ lekaŭ, a ŭ Biełarusi — tolki 6 tysiač.
«Mohuć być takija situacyi. Bo toje, što možna pradavać u aptekach, musić być zarehistravana ŭ Ministerstvie. Prymusić prajści rehistracyju zamiežnaha vytvorcu nichto nie moža. Tym bolš, rehistracyja dziejničaje 5 hod. Ale niechta pabyŭ na rynku piać hod i jon nie choča ŭžo rehistravacca. I preparat źnikaje», — havorać u Ministerstvie achovy zdaroŭja.
Voś tak usio prosta!
Tym časam u Jeŭrasajuzie i Rasii ŭžo try hady dziejničaje zakon ab biesterminovaj rehistracyi lekaŭ. U Biełarusi takoha zakonu niama.
