Pa dadzienych Biełaruskaj aŭtamabilnaj asacyjacyi, Renault Logan staŭ lidaram prodažaŭ u Biełarusi ŭ 2011 hodu. Pavodle aficyjnych źviestak, letaś u nas pradali 630 novych Renault Logan.
Lidary papularnaści siarod vytvorcaŭ.
Pa darohach Biełarusi «biehaje» amal 6 tysiač asobnikaŭ madeli — pa sutnaści, heta samaja «narodnaja» novaja madel siarod nierasijskich vytvorcaŭ u našaj krainie.
Druhoje miesca siarod aŭtamabilaŭ zajmaje Lada Priora. 426 biełarusaŭ nabyli hety rasijski aŭtamabil letaś novym. U trojku lidaraŭ rynka ŭvajšoŭ chečbek Renault Sandero, realizacyja jakoha skłała 409 aŭtamabilaŭ. Čaćviortaje miesca zaniaŭ usiedarožnik Lada Niva (382 aŭto), a zamykaje piaciorku lidaraŭ Volkswagen Polo Sedan (360 mašyn).
Heta ŭsio nie prosta tannyja, a vielmi tannyja mašyny.
Jak užo paviedamlałasia raniej, trojka lidaraŭ siarod vytvorcaŭ pa vynikach minułaha hoda vyhladaje tak: Volkswagen, «AŭtaVAZ», Renault. Francuzski vytvorca ŭvachodziŭ u trojku lidaraŭ taksama ŭ 2004, 2005, 2007 i 2009 hadach.
Biełarusy — adzin z najbiadniejšych narodaŭ Jeŭropy, ličby prodažaŭ novych aŭtamabilaŭ na dušu nasielnictva ŭ nas vielmi nizkija.
