U Biełarusi mohuć być uniesieny źmieny ŭ praviły darožnaha ruchu, što tyčacca abmiežavańnia chutkaści transpartnych srodkaŭ na darohach u maroznaje nadvorje.Pra heta paviedamiŭ 7 lutaha na
Nahadajem, u kancy minułaha tydnia na šerahu aŭtadaroh krainy byli ŭviedzieny abmiežavańni chutkaści ruchu ŭ suviazi z mocnymi marazami. Tak, naprykład, ruch pa MKAD byŭ abmiežavany 50 km/hadz zamiest zvyčajnych 90 km\hadz.
Jak adznačyŭ Hałaŭnioŭ, vialikaja kolkaść avaryj u apošnija tydni na MKAD stała vynikam taho, što kiroŭcy niapravilna vybirali chutkaść, nie ŭličvali ŭmovy nadvorja i asablivaści sčapleńnia šyn z darohaj. U suviazi z hetym u jakaści ekśpierymientu było pryniata rašeńnie pra abmiežavańnie chutkasnaha režymu.
«Hetaha možna było b nie rabić, kali b kiroŭcy pavodzili siabie ŭ adpaviednaści z umovami nadvorja i praviłami darožnaha ruchu. Ale pakolki ŭ nas pakul hetaha niama, my i ŭviali hetyja abmiežavańni», — rastłumačyŭ pradstaŭnik darožnaha departamienta.
Efiektyŭnaść hetaj miery budzie praanalizavana, i, mahčyma, paśla źjaviacca źmieny ŭ praviłach darožnaha ruchu adnosna abmiežavańnia chutkaści transpartnych srodkaŭ na darohach u maroznaje nadvorje.
Hałaŭnioŭ źviarnuŭ uvahu,
što prymianieńnie solaŭ pry tempieratury 20 hradusaŭ marozu i nižej vyklikaje hałalod. «Heta taki paradoks, jaki treba viedać»,— padkreśliŭ pradstaŭnik «Biełaŭtadara». U takich vypadkach vykarystoŭvajecca piasok ci adsievy drableńnia bujnych hornych parod.
U cełym jon pazityŭna acaniŭ pracu darožnych słužbaŭ u składanych umovach nadvorja apošniaha tydnia. «My nie dapuścili ni ŭtvareńnia zatoraŭ, ni zryvaŭ ruchu maršrutnaha transpartu ci śpiecsłužbaŭ», — zajaviŭ Hałaŭnioŭ.