U svaim błohu Chalezin praciahvaje krytyku lista kiraŭnicy bruselskaha ofisa «Za demakratyčnuju Biełaruś» Volhi Stužynskaj. Hetym razam, siarod inšaha, jon nazyvaje imiony biełaruskich hramadskich dziejačoŭ, jakija razam ź joj padpisali zvarot da jeŭrastruktur ab źmiakčeńni sankcyj suprać łukašenkaŭcaŭ. Siarod takich jon nazyvaje redaktara Bdg.by Piatra Marcava, akademičnaha dyrektara Biełaruskaha instytuta stratehičnych daśledavańniaŭ Alaksieja Pikulika dy niekalki inšych imionaŭ.
Pavodle jahonych słovaŭ, z prapanovaj padpisać zaklik źviartalisia da mnohich inšych ludziej, ale absalutnaja bolšaść admoviłasia.Siarod tych, chto admoviŭsia, nazyvajucca sacyjołahi, analityki, pravaabaroncy, palityki.
Zatoje, pavodle infarmacyi Chalezina, «šerah čynoŭnikaŭ Jeŭrasajuza i finansavych donaraŭ padzialajuć taki padychod».
Na dumku «Našaj Nivy», sama inicyjatyva takoha zvarotu sychodziła nie ad biełarusaŭ, a ad peŭnych kołaŭ u ES i ZŠA. Takuju vysnovu my zrabili z našych kantaktaŭ u dypłamatyčnych krynicach.
0
0
0
0
0
0
