27 studzienia adbyłosia aficyjnaje adkryćcio prajekta «Niaśviž — kulturnaja stalica Biełarusi 2012 hoda», paviedamiłapres-sakratar Ministerstva kultury Hanna Smolskaja.
Niaśviž staŭ trecim horadam, jaki atrymaŭ hanarovy status kulturnaj stalicy Biełarusi. U 2011 hodzie kulturnaj stalicaj Biełarusi byŭ Homiel, u 2010 hodzie — Połack. Finansavuju i arhanizacyjnuju padtrymku prajekta ažyćciaŭlajuć Ministerstva kultury, Minski abłasny vykanaŭčy kamitet, Niaśvižski rajvykankam, sponsary i miecenaty.
Padčas uračystaj cyrymonii adkryćcia była padpisana prahrama kulturnych padziej hoda i ŭručany siertyfikat i simvał kulturnaj stalicy Biełarusi.
Hałoŭnaj padziejaj akcyi «Niaśviž — kulturnaja stalica Biełarusi 2012 hoda» stanie aficyjnaje adkryćcio pałacavaha ansambla RadziviłaŭXVI–XVIII stahodździaŭ.
Na praciahu hoda ŭ Niaśvižy buduć pradstaŭleny lepšyja tvorčyja prajekty krainy. Zapłanavany cykły kancertaŭ biełaruskaj staradaŭniaj muzyki, kancerty ŭdzielnikaŭ mižnarodnych fiestyvalaŭ «Uładzimir Śpivakoŭ zaprašaje…» i Juryja Bašmieta, opiernaha i baletnaha mastactva «Viečary Vialikaha teatra ŭ Niaśvižskim pałacy Radziviłaŭ».
Adbuducca XVII śviata mastactvaŭ «Muzy Niaśviža» z udziełam Nacyjanalnaha kancertnaha arkiestra Biełarusi pad kiraŭnictvam Michaiła Finbierha, Noč muziejaŭ u Niaśvižskim pałacy Radziviłaŭ, kancert z cykła «Załataja kalekcyja biełaruskaj pieśni» i inš.
Upieršyniu ŭ krainie projdzie forum prafiesijnych teatraŭ «Teatr Uršuli Radzivił» z pakazam śpiektaklaŭ, źviazanych z historyjaj rodu Radziviłaŭ.
Taksama ŭpieršyniu adbudziecca mižnarodny sieminar JUNIESKA «Abjekty suśvietnaj spadčyny: źbieražeńnie i vykarystańnie ŭ metach ustojlivaha raźvićcia» z udziełam viadučych ekśpiertaŭ u śfiery achovy
