«Hazpram» u 2012 hodzie pavialičyć abjom transparciroŭki hazu cieraź Biełaruś na 4 miljardy kubamietraŭ, paviedamiłapres-słužba rasijskaha hazavaha chołdynhu.
26 studzienia adbyłasia telefonnaja razmova staršyni praŭleńnia AAT «Hazpram» Alaksieja Milera ź ministram enierhietyki Biełarusi Alaksandram Aziarcom. Baki abmierkavali pytańnie pavieličeńnia abjomaŭ transparciroŭki rasijskaha hazu cieraz terytoryju respubliki ŭ Jeŭropu ŭ 2012 hodzie i na siarednieterminovuju pierśpiektyvu.
«U 2012 hodzie «Hazpram» pavialičyć abjom transparciroŭki rasijskaha hazu cieraź Biełaruś u krainy ES na 4 miljardy kubamietraŭ», — pryvodziacca ŭ paviedamleńni słovy Milera ŭ telefonnaj razmovie.
Pavodle papiarednich źviestak «Hazprama», u 2011 hodzie pa terytoryi Biełarusi ŭ Zachodniuju Jeŭropu było prapampavana 31,3 miljarda kubamietraŭ rasijskaha hazu.
Takim čynam, u 2012 hodzie hety pakazčyk płanujecca pavialičyć na 12,7% i davieści da 35,3 miljarda kubamietraŭ.
U kancy listapada 2011 hoda «Hazpram» kupiŭ 50% akcyj «Biełtranshaza» za 2,5 młrd. dołaraŭ, davioŭšy svaju dolu ŭ pradpryjemstvie da 100%. Uzamien Biełaruś atrymała skidku na sioletni haz i padpisała kantrakt na pastaŭki hazu ŭ 2012–2014 hadach. Siaredniehadavaja cana hazu ŭ 2012 hodzie składzie 165,6 dołara za tysiaču kubamietraŭ. Pry hetym «Hazpram» pryniaŭ rašeńnie pierajmienavać kampaniju «Biełtranshaz» u «Hazpram transhaz Biełaruś».
U miežach mižuradavaha pahadnieńnia ab umovach
