Da kanca hetaha hoda kraina pavinna vyjści na ŭzrovień prybytkaŭ, jaki byŭ u nasielnictva ŭ kancy 2010 hoda. Pra heta zajaviŭ staršynia pałaty pradstaŭnikoŭ nacyjanalnaha schodu Uładzimir Andrejčanka:
«Nam nie treba siońnia źmianšać ceny, nam nieabchodna padnimać dachody nasielnictva».Nahadajem, u kancy 2010 hoda aficyjnaja statystyka zafiksavała zarobak, vyšejšy za $500.
«Nam nieabchodna efiektyŭnaja vytvorčaść, kab realna pavialičvać uzrovień pradpryjemstvaŭ i ŭ vyniku — uzrovień žyćcia ludziej», — padkreśliŭ staršynia pałaty pradstaŭnikoŭ. Jon zajaviŭ, što na praciahu hetaha hoda zarpłaty i piensii buduć pavialičvacca nieadnarazova.
Pa stanie na śniežań siaredni zarobak u krainie, pavodle infarmacyi Biełstata, składaŭ $340. Płanavany na 2012 hod kurs dalara składaje 9150 rubloŭ. Heta značycca,
kab vykanać płany Andrejčanki, biełarusy pavinny ŭ kancy 2012 hoda atrymlivać kala 5 miljonaŭ rubloŭ.
Taki lichamankavy rost zarobkaŭ pryviadzie da čarhovaj devalvacyi i skačku inflacyi — jak było i letaś.
0
0
0
0
0
0
