zajaviŭ u intervju ahienctvu Bloomberg finansavy dyrektar kampanii Viktar Bielakoŭ.
«Naša stratehija składajecca ŭ tym, što cana važniejšaja za abjomy. Takaja stratehija ciapier u bolšaści najbujniejšych hulcoŭ na rynku. Zvyčajna my idziem na skaračeńnie vytvorčaści, kab cana nie źnižałasia», — zajaviŭ Bielakoŭ. Pavodle jaho słovaŭ, vytvorčy płan na hety hod skaročany amal na 8% — da 10,5–10,8 młn ton. Jak čakaje kampanija, hłabalny popyt na ŭhnajeńni ŭ 2012 hodzie budzie prykładna na ŭzroŭni letašnich 58 młn ton.
Miž tym, jak zajaviŭ raniej kansultant CRU International Ltd Hievin Čžu, najbujniejšy suśvietny spažyviec uhnajeńniaŭ — Kitaj — moža skaracić zakupki ŭ hetym hodzie ŭpieršyniu za apošnija try hady na fonie padzieńnia ŭnutranaha popytu i vialikich zapasaŭ.
U minułym miesiacy ab časovym skaračeńni vytvorčaści na dvuch abjektach u Kanadzie abviaściła kanadskaja chimičnaja kampanija Potash Corp.
«Urałkalij» idzie za stratehijaj Potash Corp., Choć zvyčajna rasijskija vytvorcy nie zaŭsiody robiać taki krok. Kali Rasija i Kanada (na dolu jakich prypadaje 21% i 52% raźviedanych suśvietnych zapasaŭ kaliju adpaviedna — red.) Buduć prytrymlivacca adnolkavaj stratehii, biznes tolki vyjhraje», — ličyć analityk Credit Agricole Securities USA Inc. Mark Koneli.
Pavodle jaho acenki, u ZŠA ceny na kalijnyja ŭhnajeńni vyrastuć sioleta na 25 dalaraŭ — da 575 dalaraŭ za tonu, a ŭ Kitai i Indyi ŭstalujecca cana 520 dalaraŭ za tonu. «Urałkalij» užo viadzie pieramovy ź indyjskimi pakupnikami i płanuje pačać ich z klijentami ŭ Kitai na praciahu najbližejšych dvuch miesiacaŭ, dadaŭ Bielakoŭ.
AAT «Urałkalij» — vytvorca kalijnych uhnajeńniaŭ, u vyniku źlićcia z AAT «Silvinit» zajmaje pieršuju pazicyju ŭ śviecie pa vytvorčaści chłorystaha kaliju i druhuju — pa vytvorčaj mahutnaści.
