Dvuchmiesiačnaja dziaŭčynka zahinuła na pažary ŭ Bresckaj vobłaści

Pažar adbyŭsia ranicaj 25 studzienia ŭ chacie ŭ vioscy Borki Hancavickaha rajona. Haspadynia doma, žančyna 1961 hoda naradžeńnia, paśpieła raźbić akno i paklikać na dapamohu. Susiedzi ŭzłamali dźviery chaty, adzin z mužčyn uvajšoŭ unutr i praz raźbitaje akno pieradaŭ maleńkuju dziaŭčynku (2011 hoda naradžeńnia). Adnaviaskoŭcy adnieśli dzicia ŭ bližejšy dom i vyklikali fielčara. Adnak vyratavać nie ŭdałosia — dzicia atruciłasia dymam.

U nieprytomnym stanie z chaty vynieśli i haspadyniu. Heta była babula. Z atručvańniem praduktami hareńnia i apiokam tvaru 1-j stupieni (2% cieła) jaje dastavili ŭ balnicu.

Ratavalniki nieŭzabavie patušyli pažar. Jany vyśvietlili, što z-za začynienych dźviercaŭ piečy na draŭlanuju padłohu zvaliłasia niekalki vuhloŭ, što i pryviało da ŭzharańnia.

Maci zahinułaj dziaŭčynki na momant pažaru viartałasia na ciahniku z Mahilova (na čas siesii ŭ navučalnaj ustanovie žančyna pakinuła dzicia na apiecy svajoj maci).

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH