Nacyjanalny statystyčny kamitet abnarodavaŭ pamiery siarednich zarobkaŭ biełarusaŭ u śniežni — 2 miljony 877 tysiač rubloŭ (345 dalaraŭ). U paraŭnańni ź listapadam zarobki pavialičylisia amal na 20%. A ŭ žycharoŭ stalicy naahuł siaredni zarobak amal na miljon vyšejšy, čym u siarednim pa krainie, i na paŭtara miljona bolšy, čym u žycharoŭ Bresckaj vobłaści.
U lutym piensijanieram paabiacali pavysić piensii na 24%. Da čaho pryviaduć takija pavyšeńni?
Ekanamist Leanid Złotnikaŭ pierakanany, što pry takoj finansavaj palitycy dziaržavy paŭtorycca sytuacyja 2011 hoda:
«Nas papiaredžvali i z Uschodu, i z Zachadu, što nielha zaraz pavialičvać zarobki, bo niama z čaho. Treba było ŭstrymacca, ale ž my atrymali pry kancy hoda davoli niebłahija hrošy — kala 4 miljardaŭ dalaraŭ, u asnoŭnym ad Rasii. Pakul hetyja hrošy jość, na 2, 3, 4 miesiacy chopić i zarobki padvysić, i piensii.A potym pastupleńniaŭ takich nie čakajecca. I znoŭ pačnucca prablemy, jak heta było letam 2011 hoda».
Kiraŭnik analityčnaha centru «Stratehija» ekanamist Leanid Zaika što da padvyšeńnia zarobkaŭ kaža:
«U nas idzie nieabhruntavanaje pavyšeńnie zarabotnaj płaty, asabliva ŭ dalaravym ekvivalencie. I hetaje žadańnie niejak situacyju palepšyć za košt rasijskaha hazu, bolš tannaha, i za košt dopusku da nafty (zaraz u Niamieččynu my pradali nafty na 1 miljard dalaraŭ prykładna) — heta ŭsio drenna».
Spadar Zaika ŭzhadaŭ, jak uvosień Alaksandar Łukašenka ŭčyniŭ uradu raznos i zahadaŭ prem'
Heta navat nie palityka — heta žadańnie zachavać svaje kresły ŭ čynoŭnikaŭ».