Z 2013 hoda ŭ Biełarusi budzie skaračacca kolkaść žančyn dzietarodnaha ŭzrostu 9

paviedamiła namieśnik načalnika ŭpraŭleńnia narodanasielnictva hiendarnaj i siamiejnaj palityki Ministerstva pracy i sacyjalnaj abarony Maryna Arciomienka 11 studzienia na pasiadžeńni kruhłaha stała ŭ Minsku.

Pavodle jaje słoŭ, u dzietarodny ŭzrost uvachodziać dziaŭčaty, narodžanyja ŭ 90-ch hadach, kali ŭ Biełarusi adznačałasia padzieńnie naradžalnaści. Pamianšeńnie kolkaści žančyn dzietarodnaha ŭzrostu z 2013 hoda niespryjalna adab`iecca na naradžalnaści, prahnazuje Arciomienka. Pavodle jaje słoŭ, u suviazi z hetym ciapier Minpracy raspracoŭvaje mierapryjemstvy, skiravanyja na stymulavańnie naradžalnaści, i, u pryvatnaści, naradžeńnie druhoha dziciaci ŭ siam`i. «Dla naradžeńnia pieršaha dziciaci asablivaj matyvacyi nie patrabujecca.

Kali havaryć pra naradžeńnie druhoha dziciaci, to značnuju rolu adyhryvajuć ekanamičnyja stymuły»,

Jak zajaviła Arciomienka, u Nacyjanalnaj prahramie demahrafičnaj biaśpieki Biełarusi na 2011–2015 hady praduhledžany šerah mier pa stymulavańni naradžalnaści. Praduhledžvajecca, u pryvatnaści, stvareńnie sistemy lhotnaha kredytavańnia pracedury EKA, vyzvaleńnie baćkoŭ, jakija majuć troch i bolš dziaciej, ad słužby ŭ armii i ad słužby ŭ reziervie. Płanujecca taksama zabiaśpiečyć akazańnie karotkaterminovych pasłuh niani siem`iam, jakija vychoŭvajuć dzicia-invalida, i arhanizavać sistemu tak zvanaj «sacyjalnaj pieradyški» dla takich siem`iaŭ.

Jak adznačyła pradstaŭnik Minpracy, u Biełarusi isnuje prablema nizkaj adkaznaści baćkoŭ za vychavańnie dziaciej u siam`i. «Heta prablema dosyć sur`ioznaja, źviazanaja z našym mientalitetam», — skazała Arciomienka. Naprykład, pavodle jaje słoŭ, ciapier tolki 1% baćkoŭ znachodzicca ŭ adpačynku dla dohladu dzicia. Jak zajaviła pradstaŭnik Minpracy, u Biełarusi treba šmat čaho zrabić dla pryciahnieńnia baćki da vychavańnia dziaciej.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH