Hłybocki małočna-kansiervavy kambinat płanuje vyjści ŭ 2012 hodzie na novyja rynki zbytu. U pieršym paŭhodździ pradpryjemstva płanuje adpravić partyju małočnych kansiervaŭ u ZŠA.
U Ńju-Jork pajedzie 21 t zhuščanaha małaka ŭ asartymiencie. Pradukcyja raźličanaja ŭ pieršuju čarhu na realizacyju siarod imihrantaŭ z krain postsavieckaj prastory. Damoŭlenaści ab testavaj pastaŭcy z amierykanskimi partniorami ŭžo dasiahnutyja, padpisać kantrakt płanujecca najbližejšym časam.
Taksama ŭ 2012 hodzie kambinat źbirajecca ažyćciavić probnuju pastaŭku pradukcyi ŭ Respubliku Bienin (Zachodniaja Afryka) i pavialičyć pastaŭki na ŭžo asvojenyja rynki zbytu.
Za 2011 hod pradpryjemstva ekspartavała pradukcyi na 43 młn dalaraŭ, što skłała 102% da ŭzroŭniu 2010 hoda. Udzielnaja vaha ekspartu ŭ ahulnym abjomie realizacyi pa vynikach studzienia-listapada skłała 52,8%. Pastaŭki ažyćciaŭlalisia ŭ Rasiju, Kazachstan (na hetyja rynki prypadaje asnoŭnaja dola ekspartu, bo tut dziejničajuć dva ŭłasnyja handlovyja damy Hłybockaha małočna-kansiervavaha kambinata z raźvitaj tavarapravodnaj sietkaj), Ukrainu, Armieniju, Izrail i inšyja krainy.
BiełTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH