Biznesoviec Šaŭcoŭ padazrajecca ŭ kradziažy 10 miljonaŭ dalaraŭ 1

Zasnavalnik i kiraŭnik «Trastbanka», staršynia naziralnaj rady kampanii «Biełzamiežbud» Viktar Šaŭcoŭ padazrajecca ŭ asabliva bujnym kradziažy.

Jak paviedamiŭ u etery kanału «Biełaruś-1» pradstaŭnik KDB Artur Strech, suprać šerahu top-menedžeraŭ budaŭničaj kampanii jašče ŭ kastryčniku była zaviedzienaja kryminalnaja sprava. Im inkryminujecca bolš za 10 miljonaŭ «admytych» dalaraŭ.

Ciapier, u pryvatnaści, praviarajucca źviestki pra datyčnaść Viktara Šaŭcova da ŭčynieńnia supraćpraŭnych dziejańniaŭ padčas padrychtoŭki i realizacyi prajektaŭ u Venesuele. U adnosinach da Šaŭcova abranaja miera strymańnia ŭ vyhladzie zaklučeńnia pad vartu, jon znachodzicca ŭ SIZA KDB.

Zajava pradstaŭnika KDB prahučała praź niekalki hadzinaŭ paśla zakančeńnia presavaj kanferencyi Alaksandra Łukašenki, na jakoj jon rasparadziŭsia danosić da hramadzkaści detali karupcyjnych złačynstvaŭ.

0

0

0

0

0

0

svaboda.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH