Mižviedamasnaja kamisija pa praviadzieńni konkursaŭ na vyznačeńnie jurydyčnych asob, što zabiaśpiečvajuć realizacyju vyklučnaha prava dziaržavy na ažyćciaŭleńnie impartu presnavodnaj ryby, praduktaŭ pierapracoŭki ryby i morapraduktaŭ, vyznačyła pieralik śpiecimparcioraŭ na 2012 hod. Pra heta BiełaPAN paviedamili ŭ Ministerstvie handlu.
U pieralik uvajšli 39 jurydyčnych asob roznaj formy ŭłasnaści. Siarod ich — DP «Mahiloŭski rybakompleks», TAA «Jeŭrahandal», AAT «Minskbakalejahandal», PUP «Biełkaapapthandal», DP «Biełryba», SP «Santa Bremar» TAA, STAA «Arvitfud» (Minsk), TDA «Vitalur», AAT «Rybny rad» (Babrujsk), AAT «Biełbakaleja» i inšyja.
Na 2011 hod było vyznačana 25 śpiecimparcioraŭ.
Nahadajem, u krasaviku 2010 hoda ŭkazam prezidenta byli ŭniesieny źmianieńni i dapaŭnieńni ŭ praviły rehulavańnia rybnaha rynku. Tak, funkcyja pieradadziena ad Kiraŭnictva spraŭ prezidenta Ministerstvu sielskaj haspadarki i charčavańnia. Pakinuta vyklučnaje prava dziaržavy na impart presnavodnaj ryby, praduktaŭ pierapracoŭki ryby i morapraduktaŭ. Ich impartam zajmajucca jurydyčnyja asoby, jakija pieramahli na konkursie. Marskuju śviežamarožanuju rybu mohuć impartavać lubyja jurydyčnyja asoby biez praviadzieńnia konkursu.
