Łukašenka i Miaśnikovič abmierkavali, kamu pradavać Pietrykaŭskaje radovišča kalijnych solaŭ 7

Alaksandr Łukašenka 1 listapada pryniaŭ z dakładam prem'jer-ministra Michaiła Miaśnikoviča.

U pieršuju čarhu heta tyčycca Pietrykaŭskaha radovišča kalijnych solej. U jakaści patencyjnych inviestaraŭ dla vykupu hetaha radovišča zajavilisia šeść kampanij, siarod ich kitajskaja, ukrainskaja, kazachstanskaja, kanadska-kitajskaja.

Alaksandr Łukašenka daŭ na vybar inviestara miesiac.

Pry kancy listapada prem'jer-ministr pavinien prapanavać adpaviedny prajekt ukaza.

Na sustrečy išła razmova i ab zaviaršeńni budaŭnictva žylla, što ŭzvodzicca z padtrymkaj dziaržavy. Abmiarkoŭvalisia taksama pytańni budaŭnictva ŭ sielskaj haspadarcy.

Łukašenka źviarnuŭ uvahu ŭrada na niedastatkova pryncypovuju rabotu ź miascovymi orhanami ŭłady ŭ pytańniach układańnia haspadarkami ŭłasnych srodkaŭ u raźvićcio.

Faktyčna, havorka idzie pra rezkaje źnižeńnie dziaržaŭnych datacyj sielhaśnikam. Pra heta paviedamlajecca voś u jakoj formie: «Łukašenka pastaviŭ zadaču, kab madernizacyja ŭsich žyviołahadoŭčych fierm ažyćciaŭlałasia ŭ pieršuju čarhu za košt srodkaŭ haspadarak i rehijonaŭ, a miery dziaržaŭnaj padtrymki metanakiravana išli na pavieličeńnie abjomaŭ, pryrost. Prem'jer-ministr paviedamiŭ, što ŭ suviazi z hetym buduć uniesieny adpaviednyja źmianieńni ŭ inviestycyjnuju prahramu».

Što da budaŭnictva žylla, u pryvatnaści, pa raniej zaklučanych dahavorach i namiečanaha da ŭvodu ŭ 2011 hodzie, to abiacańni vyhladajuć tak: «Uradam na hetyja mety buduć nakiravany adpaviednyja kredytnyja resursy, niahledziačy na ŭsie składanaści na valutnym i finansavym rynku». Usiaho ŭ 2011 hodzie płanujecca ŭvieści ŭ ekspłuatacyju kala 6 młn kv.m žylla.

Mikoła Buhaj, inf. BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH