Z 21 kastryčnika ŭ punkcie propusku «Kamienny Łoh» na biełaruska-litoŭskaj miažy Smarhonskaja pahraničnaja hrupa sumiesna z Ašmianskim rajvykankamam pravodziać ekśpierymient. Jaho sutnaść zaklučajecca ŭ raźmiežavańni pasažyrapatoku Mytnaha i Jeŭrapiejskaha sajuzaŭ.
Jak paviedamili ŭ pres-centry Dziaržaŭnaha pamiežnaha kamiteta Biełarusi, źmienieny paradak darožnaha ruchu na padjeździe da punkta propusku. Ciapier jon arhanizavany nastupnym čynam. Pieršaja pałasa advodzicca hruzavym transpartnym srodkam. Druhaja i treciaja — lehkavym aŭtamabilam adpaviedna zamiežnaj dziaržavy i Mytnaha sajuza. Čaćviortaja pałasa — dla słužbovaha transpartu i aŭtobusaŭ. Raniej hetyja pałosy zajmali adpaviedna lehkavyja transpartnyja srodki, aŭtobusy i śpiectranspart.
Padčas ekśpierymientu budzie vyznačana, ci dazvolić novaja sistema arhanizacyi darožnaha ruchu pavysić kamfortnaść pierasiačeńnia dziaržaŭnaj miažy.
Viačasłaŭ Budkievič, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
